Rhaglen newydd ar draws y DU sy’n cefnogi pobl gyda chyflyrau iechyd, anableddau neu amgylchiadau bywyd cymhleth i ddod o hyd i waith.
Beth yw Cysylltu â Gwaith?
Cysylltu â Gwaith yw rhaglen newydd ledled y DU sy’n cael ei rhedeg gan Ganolbwynt Cyflogaeth Conwy ar draws sir Conwy.
Mae’n helpu pobl sydd eisiau gweithio ond sydd angen ychydig o gymorth ychwanegol oherwydd:
- Cyflyrau iechyd
- Anableddau
- Niwrowahaniaeth
- Anghenion iechyd meddwl
- Rhwystrau bywyd cymhleth
Mae Cysylltu â Gwaith yn eich cefnogi chi gyda cefnogaeth am ddim wedi’i theilwra er mwyn eich helpu i symud at weithio:
- Cymorth i ddatblygu sgiliau, hyder a chymhelliant
- Cefnogaeth sy’n addas i’ch sefyllfa bob cam o’r ffordd ac ar eich cyflymder eich hun
- Eich helpu i ganfod rolau sy’n gweddu i’ch sgiliau a’ch diddordebau, gyda chyflogwyr sy’n deall eich anghenion
- Cefnogaeth i’ch paratoi ar gyfer cyfweliadau a dechrau gwaith
- Cyswllt rheolaidd parhaus tra byddwch chi’n gweithio
Mae cefnogaeth ar gael i bobl sydd:
- Yn ddiwaith, 16+ oed ac eisiau canfod cyflogaeth
- Eisoes yn gweithio, ond mewn perygl o golli eu gwaith
- Ddim ar unrhyw raglen arall a ariennir gan yr Adran Gwaith a Phensiynau ar hyn o bryd
Timau iechyd a chlinigol
Mae ein Harbenigwyr Cyflogaeth yn gweithio gyda thimau iechyd a chlinigol er mwyn nodi pobl a allai elwa o gefnogaeth gyda chyflogaeth. Mae hyn yn gwneud cyflogaeth yn rhan o daith iechyd, lles ac adferiad ehangach unigolyn.
Cefnogi cyflogwyr
Mae Cysylltu â Gwaith yn helpu busnesau i recriwtio a chadw gweithwyr gyda hyder, gan ddarparu:
- Mynediad i ymgeiswyr brwdfrydig sy’n cael eu cefnogi
- Paru swyddi sy’n seiliedig ar sgiliau, diddordebau a gallu ymgeisydd
- Cefnogaeth i siapio swyddi sy’n gweithio i’r ymgeisydd a’r busnes
- Cefnogaeth barhaus i helpu i weithwyr ffynnu, gan gynnwys hyfforddiant mewn swydd ac adolygiadau yn y gweithle
Mae hyn yn helpu busnesau i leihau risg wrth recriwtio ac arbed amser, gan eu cefnogi i feithrin timau cynhwysol, medrus a chynaliadwy.
Os hoffech siarad â’n tîm Cysylltu â Gwaith, anfonwch e-bost atom at ctw@conwy.gov.uk.