Ein nod yw i Gyngor Bwrdeistref Sirol Conwy fod yn dda am bopeth rydym yn ei wneud ac i’r ystod lawn o wasanaethau rydym yn eu darparu fod o ansawdd uchel. Rydym hefyd am fod yn sefydliad sy'n elwa o amrywiaeth ein cymuned. I wireddu’r nod hwn, mae’n rhaid i ni gydnabod a gosod cydraddoldeb ac amrywiaeth yn ganolbwynt i’n rhaglen. Er mwyn gwneud hyn byddwn yn integreiddio ystyriaethau cydraddoldeb yn ein gweithgareddau o ddydd i ddydd fel Awdurdod, er mwyn gwella ansawdd bywyd pobl Conwy, gan gynnwys y bobl fwyaf diamddiffyn. Byddwn yn gwneud hyn drwy weithredu ein Cynllun Cydraddoldeb Strategol.
Dyma ein prif amcanion o safbwynt cydraddoldeb:
- Sicrhau bod cydraddoldeb yn cael ei gynnwys yn ein polisïau a’n harferion
- Cynnwys y Cyhoedd a’n Gweithwyr wrth asesu effaith wirioneddol neu effaith bosibl ein polisïau a’n harferion o ran dileu gwahaniaethu
- Gwella’r ffordd rydym yn darparu ein gwasanaethau a datblygu ein polisïau
- Sicrhau triniaeth deg yn y broses recriwtio ac o ran cyflogaeth
- Adolygu cynnydd y Cynllun Gweithredu Cydraddoldeb Strategol yn barhaus
- Sicrhau nad ydym yn gwahaniaethu'n anfwriadol ar sail Hil, Anabledd, Rhyw, Tueddfryd Rhywiol, Crefydd a Chred, Oed, Addasu Rhyw, Priodas neu Bartneriaeth Sifil, Beichiogrwydd neu Famolaeth, y Gymraeg neu Hawliau Dynol.