Bod yn Gynghorydd

start content

Beth bynnag yw eich ysgogiad, gall bod yn gynghorydd lleol fod yn brofiad gwerthfawr iawn. Mae'n rhoi cyfle i chi helpu eich cymuned leol, gwireddu newidiadau a bod yn rhan o dîm sy'n gyfrifol am ddyfodol a lles Bwrdeistref Sirol Conwy a'r bobl sy'n byw, gweithio, ac yn ymweld â'r ardal.

Ydych chi’n angerddol ynghylch eich cymuned leol?
Oes yna rywbeth rydych chi am ei newid?
Ydych chi’n barod i gymryd penderfyniadau heriol?

Beth am sefyll dros yr hyn sy’n bwysig i chi a dod yn gynghorydd lleol? Mae cynghorwyr yn cael eu hethol gan bobl yn eu cymuned i’w cynrychioli ac i wneud penderfyniadau ar eu rhan. Mae bod yn gynghorydd yn foddhaol, yn heriol ac yn bleserus a gallwch chi newid bywydau pobl er gwell. Mae’n bwysig bod cynghorwyr yn debyg i’r bobl sy’n eu hethol er mwyn iddynt gael cynrychioli pob barn wahanol yn y gymuned a chymryd penderfyniadau sydd o fudd i bawb.

Os ydych chi eisiau gwybod mwy am rôl bod yn gynghorydd lleol, gallwch wylio nifer o fideos o Gynghorwyr Bwrdeistref Sirol Conwy presennol yn siarad am eu rhesymau dros sefyll, yr ymdrechion a'r cyflawniadau, a'r gefnogaeth a ddarperir.

Beth am wylio fideos a darllen astudiaethau achos gan gynghorwyr amrywiol yn disgrifio eu rolau ac yn egluro pam eu bod wedi sefyll mewn etholiad?

Neu, os oes gennych ddiddordeb, cwblhewch y modiwl e-ddysgu ar gyfer ymgeiswyr i ddysgu mwy.

Mae modd canfod a ydych yn gymwys ar gyfer Cronfa Mynediad i Swyddi Etholedig sydd ar gael i bobl anabl sy’n sefyll mewn etholiad.

Papurau enwebu i fod yn Gynghorydd a mwy o wybodaeth am sefyll ar gyfer etholiad ar gael yma.