Mae Tîm Hawliau Lles Conwy yn darparu cymorth a chyngor cyfrinachol am ddim ynglŷn â phob math o fudd-daliadau lles. Mae rhai o’r meysydd lle gallwn ni roi cymorth i chi yn cynnwys:
- Gwirio eich bod chi’n derbyn y swm cywir o arian.
- Rhoi gwybodaeth am hawl i fudd-daliadau a’ch cynghori am sut i hawlio.
- Gwirio os ydych yn gymwys ar gyfer unrhyw ostyngiadau eraill er enghraifft Gostyngiad yn Nhreth y Cyngor, neu brydau ysgol am ddim.
- Rhoi cymorth os oes un o’ch ceisiadau am fudd-dal wedi ei wrthod, a’ch bod am apelio yn erbyn penderfyniad.
- Eich cynghori os yw eich amgylchiadau wedi newid ac fod arnoch angen gwneud cais am fudd-daliadau.
A wyddoch chi?
Os oes gennych anabledd hir dymor mae’n bosib y gallwch hawlio:
- Lwfans Gweini os ydych dros oedran pensiwn neu
- Taliad Annibyniaeth Bersonol (PIP) os ydych rhwng 16 oed ac oedran pensiwn.
Nid yw’r budd-daliadau hyn yn effeithio unrhyw fudd-daliadau sy’n berthnasol i incwm y gallech fod yn eu derbyn eisoes.
Mae budd-daliadau neu ostyngiadau eraill y gallech fod yn gymwys i’w derbyn yn cynnwys:
Treth y Cyngor
Mae’n bosib eich bod yn gymwys i gael gostyngiad yn Nhreth y Cyngor os yw un o’r amgylchiadau canlynol yn berthnasol i chi:
- Derbyn Credyd Gwarant Credyd Pensiwn
- Prawf meddygol o fod ag Amhariad Gwybyddol Arwyddocaol e.e. clefyd Alzheimer, Dementia, clefyd Parkinson, anawsterau dysgu difrifol neu strôc, ond mae nifer o rai eraill yn gymwys, yn ogystal â derbyn budd-dal anabledd.
- Rydych wedi dod a’ch gwely i lawr y grisiau oherwydd anabledd parhaol.
- Rydych yn defnyddio ocsigen ychwanegol 24 awr y dydd.
Biliau Dŵr
Mae’n bosib y gallech fod yn gymwys am ostyngiad yn eich biliau dŵr os oes gennych:
- Gyflwr meddygol sy’n golygu fod yn rhaid i chi ddefnyddio mwy o ddŵr nag arfer
- 3 o blant o dan 19 oed
Yn ogystal, os ydych yn dioddef caledi ariannol, gallwch wneud cais i Gronfa Cymorth Cwsmeriaid Dŵr Cymru, sy’n gallu helpu i dalu ôl-ddyledion dŵr. Mae’n ofynnol fod gennych sgôr credyd isel ar gyfer y cynllun hwn.
Costau tanwydd
Os ydych yn derbyn Credyd Gwarant Credyd Pensiwn, mae gennych hawl i Ostyngiad Cartref Cynnes gan eich cyflenwr ynni i helpu talu cost eich bil tanwydd gaeaf.
Cymorth ychwanegol gyda chost cynydol olew gwresogi.
Yn dilyn cynnydd diweddar mewn prisiau olew, bydd taliadau olew oddi ar y grid yn cynyddu i £750, cyfanswm o 2 daliad mewn cyfnod treigl o 12 mis, gyda bwlch o 3 mis rhwng bob cais. Sylwer y dylai holl geisiadau oddi ar y grid gael eu cyflwyno gan Bartner Cymeradwy, ac ni ddylai’r ymgeisydd fod ag unrhyw gynilion.
Os oes angen rhagor o wybodaeth arnoch chi cysylltwch â:
Llinell Gyngor Budd-daliadau Hawliau Lles Conwy
Rhif ffôn: 01492 576605
Dydd Llun - Dydd Iau 9am – 5pm
Dydd Gwener 9am-4.45pm
E-bost: hawliau.lles@conwy.gov.uk