Mewn perthynas â’r cynnig i sefydlu ysgol gymysg cyfrwng Saesneg newydd ar gyfer Bae Cinmel a chau Ysgol y Foryd ac Ysgol Maes Owen.
Yn ei gyfarfod ar 12 Awst 2025, yn dilyn ystyriaeth ofalus, penderfynodd Cabinet Cyngor Bwrdeistref Sirol Conwy gadarnhau’r cynnig i uno Ysgol y Foryd ac Ysgol Maes Owen, sy’n golygu y bydd y ddwy ysgol yn dod i ben (cau) ar 31 Awst 2026.
Mae Cyngor Bwrdeistref Sirol Conwy yn cynnig sefydlu ysgol gymysg cyfrwng Saesneg newydd ar gyfer Bae Cinmel i'w chynnal gan Gyngor Bwrdeistref Sirol Conwy ar safleoedd presennol Ysgol y Foryd ac Ysgol Maes Owen ar gyfer plant 3-11 oed. Bydd y cynnig hwn yn cael ei roi ar waith ar 1 Medi 2026.
Wrth benderfynu ar y cynnig, rhoddodd y Cabinet ystyriaeth i’r ffactorau a ganlyn yn unol â’r Cȏd Trefniadaeth Ysgolion (11/2018):
- ansawdd a safonau mewn addysg
- yr angen am leoedd
- adnoddau addysg a goblygiadau ariannol eraill
Gwnaethpwyd y penderfyniad yn dilyn cyfnod gwrthwynebu statudol a gynhaliwyd rhwng 28 Ebrill 2025 a 25 Mai 2025. Mae’r gwrthwynebiadau a dderbyniwyd ac ymateb yr awdurdod lleol wedi’u crynhoi yn yr adroddiad gwrthwynebiadau a gyflwynwyd i’r Cabinet ar 12 Awst 2025.
Yn unol â'r penderfyniad, bydd Ysgol y Foryd ac Ysgol Maes Owen yn cau ar 31 Awst 2026 ac yn cael eu disodli gan un ysgol ar gyfer Bae Cinmel ar ddau safle.
Dogfennau:
Hanes yr ymgynghoriad:
content
Yn y cyfarfod ar 8 Hydref 2024, rhoddodd Cabinet Cyngor Bwrdeistref Sirol Conwy gymeradwyaeth i fwrw ymlaen ag ymgynghoriad ynglŷn â’r cynnig i uno Ysgol y Foryd ac Ysgol Maes Owen.
Bydd y cyfnod ymgynghori hwn yn para o 21 Hydref 2024 tan 2 Rhagfyr 2024.
Bydd y Cyngor yn ystyried yn ofalus unrhyw sylwadau a wneir yn ysgrifenedig erbyn y dyddiad hwn.
O ganlyniad i’r ymgynghoriad, gallai'r Cyngor benderfynu peidio bwrw ymlaen ymhellach â’r cynnig neu i fwrw ymlaen â’r cynnig neu addasiad ohono. Byddai unrhyw gynnig ffurfiol yn cael ei gyhoeddi ar ffurf hysbysiad statudol cyhoeddus.
Mae gan y Cyngor bwerau i gynnig ehangu neu gau ysgolion. Pe bai’r cynigion yn cael eu cyhoeddi ar ôl y cyfnod ymgynghori hwn, yna byddai cyfnod statudol o 28 diwrnod lle gellir cyflwyno sylwadau pellach a gwrthwynebiadau ffurfiol.
Ni fydd unrhyw ymatebion yn ystod yr ymgynghoriad yn cael eu hystyried fel gwrthwynebiadau ffurfiol. Er mwyn i ymatebion gael eu hystyried fel gwrthwynebiadau statudol mae’n rhaid eu cyflwyno yn ysgrifenedig neu drwy e-bost o fewn y cyfnod gwrthwynebu o 28 diwrnod.
Boed gwrthwynebiadau yn dod i law o fewn y cyfnod statudol ai peidio, bydd y cynnig yn cael ei ystyried gan yr Awdurdod ar ddiwedd y cyfnod gwrthwynebu o 28 diwrnod. Disgwylir i Gabinet Conwy benderfynu ar y cyhoeddiad hwn ym mis Ionawr 2025.
Dyddiad cau’r ymgynghoriad: 2 Rhagfyr 2024
Bydd Cyngor Bwrdeistref Sirol Conwy yn cyhoeddi adroddiad ar yr ymgynghoriad i’r Cabinet ei ystyried yn ystod tymor ysgol yr hydref.
Dogfennau:
content
Yn y cyfarfod ar 18 Chwefror 2025, cymeradwyodd Cabinet Cyngor Bwrdeistref Sirol Conwy fod y cynnig i uno Ysgol y Foryd ac Ysgol Maes Owen yn mynd yn ei flaen i’r cam hysbysiad statudol.
P’un a oes gwrthwynebiadau’n dod i law o fewn y cyfnod statudol ai peidio, bydd y cynnig yn cael ei ystyried gan yr Awdurdod ar ddiwedd y cyfnod gwrthwynebu o 28 diwrnod.
Crynodeb o’r hysbysiad statudol
Cyngor Bwrdeistref Sirol Conwy, Coed Pella, Bae Colwyn, LL29 7AZ - Deddf Safonau a Threfniadaeth Ysgolion (Cymru) 2013
HYSBYSIR DRWY HYN yn unol ag Adran 41 a 43 o Ddeddf Safonau a Threfniadaeth Ysgolion (Cymru) 2013 a Chod Trefniadaeth Ysgolion 2018 bod Cyngor Bwrdeistref Sirol Conwy, wedi ymgynghori â’r cyfryw bersonau sy’n ofynnol, yn cynnig yr isod:
1. Mae Cyngor Bwrdeistref Sirol Conwy yn cynnig sefydlu ysgol gymysg cyfrwng Saesneg newydd ar gyfer plant o 3-11, i’w chynnal gan Gyngor Bwrdeistref Sirol Conwy ar safleoedd Ysgol y Foryd ac Ysgol Maes Owen.
O ganlyniad i’r cynigion a amlinellir uchod:
2. Mae Cyngor Bwrdeistref Sirol Conwy yn cynnig cau YSGOL MAES OWEN, RHODFA'R MORFA, FORYD, TOWYN, Y RHYL, LL18 5LE. Mae’r ysgol ar hyn o bryd yn cael ei chynnal gan Gyngor Bwrdeistref Sirol Conwy. Cynigir gweithredu’r cynnig ar 31 Awst 2026.
3. Mae Cyngor Bwrdeistref Sirol Conwy yn cynnig cau YSGOL BABANOD Y FORYD, RHODFA'R MORFA, FORYD, TOWYN, Y RHYL, LL18 5LE. Mae’r ysgol ar hyn o bryd yn cael ei chynnal gan Gyngor Bwrdeistref Sirol Conwy. Cynigir gweithredu’r cynnig ar 31 Awst 2026.
Dyddiad: 28 Ebrill 2025
Hysbysiad statudol llawn