Mae Datrysiadau Tai Conwy yn cynnig gwasanaeth prydlesu sector preifat didrafferth i landlordiaid yn ardal Sir Conwy.
Bydd landlordiaid yn elwa ar:
- Daliadau rhent wedi’u sicrhau am 12 mis o’r flwyddyn
- Peidio colli rhent pan fydd eiddo'n wag
- Bydd unrhyw ddifrod gan y tenant yn cael ei drwsio heb unrhyw gost i’r landlord
- Peidio gorfod ymwneud yn uniongyrchol â thenantiaid
- Archwiliadau iechyd a diogelwch am ddim
- Peidio gorfod bodloni rhwymedigaethau Rhentu Doeth Cymru.
Sicrhad o Rent
Bydd gennych sicrhad bod rhent yn cael ei dalu i chi am 12 mis y flwyddyn, boed rhywun yn byw yn yr eiddo ai peidio. Bydd swm y rhent y byddwch chi'n ei gael gyfwerth â’r Lwfans Tai Lleol ar gyfer maint eich eiddo. Mewn rhai amgylchiadau, gall hyn fod yn llai na gwerth y farchnad, ond nid oes unrhyw ffioedd rheoli i'w talu nac unrhyw ddidyniadau o’r rhent, felly y symiau isod yw’r symiau y byddwch chi'n eu cael bob mis.
Dyma'r cyfraddau rydym yn eu cynnig ar gyfer eiddo sy’n rhan o’r Cynllun:
- 1 ystafell wely = £393.90 bob mis calendr
- 2 ystafell wely = £548.51 bob mis calendr
- 3 ystafell wely = £648.22 bob mis calendr
- 4 ystafell wely = £852.67 bob mis calendr
- 5 ystafell wely = £1,018.33 bob mis calendr
- 6 ystafell wely = £1,191.67 bob mis calendr
- 7 ystafell wely = £1,365.00 bob mis calendr
Rhagor o wybodaeth
I drafod y cynllun neu eiddo penodol gydag aelod o’r tîm, rhowch eich manylion isod:
Darllen y daflen ffeithiau (PDF, 325KB)
Am fwy o wybodaeth, cysylltwch â Swyddog Mynediad y Sector Preifat dros e-bost: strategaethtai@conwy.gov.uk