Mae Cynllun Prydlesu Cymru (LSW) yn gynllun prydlesu wedi’i ariannu gan Lywodraeth Cymru a’i reoli gan awdurdodau lleol. Mae’r cynllun yn rhoi cyfle i landlordiaid brydlesu eu heiddo i’r awdurdod lleol am incwm rhentu misol sicr a gwasanaeth rheoli eiddo cyflawn am rhwng 5 ac 20 mlynedd.
Manteision i berchnogion eiddo sy’n prydlesu eu heiddo i’r awdurdod lleol
- Prydlesau sy’n para rhwng 5 ac 20 mlynedd.
- Sicrwydd rhent bob mis am gyfnod y brydles.
- Lle bo angen, cynnig grant hyd at £5000 i sicrhau bod yr eiddo yn cyrraedd y safonau diogelwch gofynnol ac/neu i godi cyfradd EPC yr eiddo i lefel C.
Mae cyllid grant ychwanegol o hyd at £25,000 ar gael ar gyfer eiddo gwag hirdymor.
- Cynnal archwiliadau eiddo, gwaith atgyweirio a gwaith cynnal a chadw trwy gydol cyfnod y brydles.
- Dychwelyd yr eiddo yn yr un cyflwr ag y cafodd ei osod, yn amodol ar draul rhesymol, ac atebolrwydd y landlord am ddiffygion strwythurol.
- Rheoli’r eiddo yn llwyr am gyfnod y brydles.
- Darparu cefnogaeth i’r tenant trwy gydol y denantiaeth. Ni fydd angen i’r landlord gael unrhyw gyswllt gyda’r tenant trwy gydol cyfnod y brydles.
Beth allwch ei ddisgwyl gennym ni
- Byddwn ni'n ymgymryd â’r gwaith o reoli’r eiddo o ddydd i ddydd.
- Byddwn ni'n talu taliadau rhent yn ystod unrhyw gyfnod pan mae'r eiddo'n wag.
- Byddwn ni'n archwilio pob eiddo’n rheolaidd, yn monitro gweithgarwch tenantiaid ac yn delio ag unrhyw broblemau'n brydlon, os oes rhai.
- Byddwn ni'n cynnal a chadw eich eiddo trwy gydol cyfnod y brydles.
- Byddwn ni'n cwblhau rhestr eiddo ar ddiwedd y cyfnod prydlesu - yn amodol ar unrhyw draul - caiff yr eiddo ei ddychwelyd yn yr un cyflwr.
- Byddwn ni'n gyfrifol am unrhyw filiau / cyfleustodau os nad yw’r eiddo’n cael ei feddiannu.
Sicrwydd Rhent
Bydd sicrwydd rhent am 12 mis y flwyddyn, p’un a oes rhywun yn byw yn eich eiddo neu beidio. Bydd swm y rhent y byddwch yn ei dderbyn yn cael ei osod ar y Lwfans Tai Lleol ar gyfer maint eich eiddo. Mewn rhai amgylchiadau, gall hyn fod yn llai na gwerth y farchnad, ond nid oes unrhyw ffioedd yn daladwy felly’r symiau isod yw'r symiau y byddwch yn eu cael.
Mae’r cyfraddau y gallwn eu cynnig ar gyfer eiddo sy’n rhan o’r Cynllun fel a ganlyn:
- 1 ystafell wely = £393.90 bob mis calendr
- 2 ystafell wely = £548.51 bob mis calendr
- 3 ystafell wely = £648.22 bob mis calendr
- 4 ystafell wely = £852.67 bob mis calendr
Rhagor o wybodaeth
I drafod y cynllun neu eiddo penodol gydag aelod o’r tîm, rhowch eich manylion isod:
Darllenwch y daflen ffeithiau (PDF, 633KB)
Cysylltwch â ni:
E-bost: leasing@cartreficonwy.org
Ffôn: 07350446884 / 07551447322