Mae Cynllun Prydlesu Cymru yn gynllun prydlesu wedi’i ariannu gan Lywodraeth Cymru a’i reoli gan awdurdodau lleol. Mae’r cynllun yn rhoi cyfle i landlordiaid brydlesu eu heiddo i’r awdurdod lleol am incwm rhentu misol sicr a gwasanaeth rheoli eiddo cyflawn am rhwng 5 ac 20 mlynedd.
Mantesion:
- Prydlesau sy’n para rhwng 5 ac 20 mlynedd.
- Sicrwydd rhent bob mis am gyfnod y brydles.
- Lle bo angen, cynnig grant hyd at £5000 i sicrhau bod yr eiddo yn cyrraedd y safonau diogelwch gofynnol ac/neu i godi cyfradd EPC yr eiddo i lefel C.Mae cyllid grant ychwanegol o hyd at £25,000 ar gael ar gyfer eiddo gwag hirdymor.
- Cynnal archwiliadau eiddo, gwaith atgyweirio a gwaith cynnal a chadw trwy gydol cyfnod y brydles.
- Dychwelyd yr eiddo yn yr un cyflwr ag y cafodd ei osod, yn amodol ar draul rhesymol, ac atebolrwydd y landlord am ddiffygion strwythurol.
- Rheoli’r eiddo yn llwyr am gyfnod y brydles.
- Darparu cefnogaeth i’r tenant trwy gydol y denantiaeth.
- Byddwn ni'n talu taliadau rhent yn ystod unrhyw gyfnod pan mae'r eiddo'n wag.
- Byddwn ni'n gyfrifol am unrhyw filiau/cyfleustodau os nad yw’r eiddo’n cael ei feddiannu.
Bydd swm y rhent y byddwch yn ei dderbyn yn cael ei osod ar y Lwfans Tai Lleol ar gyfer maint eich eiddo:
- 1 ystafell wely: £393.90 bob mis
- 2 ystafell wely: £548.51 bob mis
- 3 ystafell wely: £648.22 bob mis
- 4 ystafell wely: £852.67 bob mis
Nid oes unrhyw ffioedd yn daladwy felly’r symiau yw'r symiau y byddwch yn eu cael.
Gwnewch ymholiad ar-lein am Gynllun Prydlesu Cymru.
Dychwelyd i'r brif ddewislen