Lansio eich cwch
Os hoffech lansio eich cwch neu fad arall ar arfordir Conwy, dyma wybodaeth ynglŷn â pha gamau y dylech eu cymryd i sicrhau y gallwch lansio yn ddiogel ac yn gyfreithlon:
Safleoedd lansio cyhoeddus i gychod
Mae’r llithrfeydd canlynol ar gael i’r cyhoedd eu defnyddio i lansio. Nid yw llithrfeydd na rampiau mynediad sydd wedi’u lleoli ar safleoedd heblaw’r rhai a restrir uchod wedi’u hawdurdodi i’r cyhoedd eu defnyddio, ac maent yn destun trefniadau arbennig.
Porth Eirias, Bae Colwyn, Bae Colwyn (LL29 8HH)
- Pob cwch - ar gael i lansio cychod pŵer, di-bŵer a badau personol.
Llithrfa’r Beacons, Morfa Conwy, Conwy (LL32 8GN)
- Pob cwch - ar gael i lansio cychod pŵer, di-bŵer a badau personol.
Llithrfa Penmaenmawr (LL34 6NJ)
- Cychod heb eu pweru a chychod sy’n cael eu pweru DIM jetiau sgïo na cerbydau dŵr personol.
- Defnyddir hon yn bennaf gan Glwb Hwylio Penmaenmawr. Oherwydd bod lle yn brin, dim ond 10 lansiad y dydd a ganiateir i unigolion nad ydynt yn aelodau o’r clwb. Caiff trigolion Penmaenmawr ac aelodau Clwb Hwylio Penmaenmawr gofrestru a lansio am ddim. Rhaid i ymwelwyr gofrestru a thalu’r ffi lansio.
Llithrfa Llanfairfechan (LL33 0DA)
- Cychod heb eu pweru a chychod sy’n cael eu pweru DIM jetiau sgïo na cerbydau dŵr personol (oherwydd bod yna grwynau peryglus dan y dŵr). Cofrestru a lansio am ddim i aelodau Clwb Hwylio Llanfairfechan yn unig. Rhaid i ymwelwyr gofrestru a thalu’r ffi lansio neu ddal trwydded dymhorol.
Llithrfa Venue Cymru, Traeth y Gogledd, Llandudno (LL30 1BB)
- Cychod heb eu pweru a chychod sy’n cael eu pweru DIM jetiau sgïo na cerbydau dŵr personol
- Defnyddir hon yn bennaf gan Glwb Hwylio Llandudno. Oherwydd bod lle yn brin, dim ond 10 lansiad y dydd a ganiateir i unigolion nad ydynt yn aelodau o’r clwb. Rhaid i ymwelwyr gofrestru a thalu’r ffi lansio. Gellir storio trelars ar y cerrig mân ond rhaid parcio cerbydau oddi ar y promenâd.
Parcio
Caiff unigolion sy’n dal trwydded lansio dymhorol ddilys barcio eu cerbyd am ddim ym maes parcio’r Beacons a Llithrfa Porth Eirias. Nid yw’r consesiwn hwn yn berthnasol i unrhyw faes parcio arall a reolir gan Gyngor Bwrdeistref Sirol Conwy.
Giatiau Storm
Gallai cau’r giatiau storm yn ystod gweithdrefnau gweithredol effeithio ar fynediad at lithrfeydd. Nid oes cyfyngiadau giatiau ar lithrfeydd y Beacons na Phenmaenmawr ac fe allent gynnig safle lansio arall.