Os ydych yn dod o hyd i gi strae:
- Os oes ganddynt goler a thag a gwybodaeth arno, cysylltwch â’r perchennog.
- Os nad oes ganddynt dag, neu os na allwch gael gafael ar y perchennog, gallwch roi gwybod i ni.
Ar-lein
Rhoi gwybod am gi strae
Ar y ffôn
I roi gwybod am gi strae, gallwch ein ffonio ni ar:
- 01492 575222 yn ystod oriau swyddfa (dydd Llun i dydd Gwener, 9am tan 5pm)
- 0300 123 3079 y tu allan i oriau swyddfa
Dychwelyd/casglu ci strae
- Os yw manylion perchennog y ci ar ei goler neu os oes ganddo ficrosglodyn, byddwn yn ei ddychwelyd at ei berchennog lle bynnag bosibl.
- Os nad oes modd cysylltu â’r perchennog, neu os nad oes gan y ci unrhyw fanylion adnabod na microsglodyn, bydd yn mynd i genelau Nant y Corn (gwefan allanol).
Os nad yw’r ci wedi’i hawlio ymhen saith diwrnod bydd yn cael ei ailgartrefu neu ei ddifa’n ddi-boen.
Ffioedd cŵn wedi’u canfod
Pan fyddwch yn hawlio eich ci bydd yn rhaid i chi dalu ffi am y costau a gawsom ni wrth gasglu eich ci a’i roi mewn cenelau. Mae’r ffi hwn yn cynnwys swm statudol (sy’n cael ei osod gan y Llywodraeth)
- Ffi statudol: £75 (gan gynnwys casglu)
- Ffioedd y cenel: £15 y dydd fesul ci (codir y ffi llawn hyd yn oes os nad oedd y ci yno am ddiwrnod cyfan)
- Ffi allan o oriau: £30 (os yw eich ci yn cael ei ddanfon i’r cenelau y tu allan i’r oriau arferol)
Cyfanswm y ffi am 7 diwrnod yn y cenelau: £190 (yn cynnwys y ffi statudol)
Efallai hefyd yn bydd yn rhaid i chi dalu ffioedd milfeddyg ychwanegol a ffi am driniaeth y tu allan i’r oriau arferol, os yn berthnasol.