Harbwr Conwy
Mae tref hanesyddol Conwy yn gartref i un o'r harbwrs cychod hamdden mwyaf yng Nghymru.
- dros 400 o angorfeydd cychod hamdden a phontynau ar draws yr aber
- mynediad hawdd i afon Conwy a Môr Iwerddon
- fflyd pysgota bach
- mentrau masnachol
Cyfleusterau a Gwasanaethau Harbwr Conwy
- Codi’r Cychod i'r Dŵr (Gwanwyn) 11 – 12 Ebrill 2024
Mae Harbwr Conwy yn cynnig ystod eang o gyfleusterau i ddefnyddwyr yr harbwr. Mae'r rhain yn cynnwys:
- Maes parcio ar gyfer deiliaid trwydded
- Safleoedd angori
- Cyfleusterau storio cychod
- Cardiau trydan
- Cyfleusterau golchi a phŵer
- Tacsi dŵr
- Cwch harbwr amlbwrpas ‘Jac y Do’
- Swyddfa harbwr gyda staff ymroddedig
Am fwy o wybodaeth am y cyfleusterau a'r gwasanaethau hyn, gweler Graddfa Ffioedd yr Harbwr 2024-25 (PDF, 514KB) neu cysylltwch ag Awdurdod Harbwr Conwy:
Rhif ffôn: 01492 596253
E-bost: harbwr@conwy.gov.uk
Argyfyngau yn unig: 07733012568
Cychod Sy’n Ymweld
Mae'n ofynnol i gychod sy'n ymweld â'r Harbwr gysylltu â Swyddfa'r Harbwr ar VHF Sianel 14 cyn mynd i mewn. Yna bydd angorfa neu bontŵn yn cael ei roi a'r ffi’n cael ei chasglu gan Gychwr yr Harbwr a fydd yn eich tywys. Os ydych yn cyrraedd dros nos, gellir talu hefyd gydag arian parod neu siec yn Swyddfa'r Harbwr y bore canlynol. Efallai y bydd taliadau yn amrywio yn ôl maint y cwch a hyd yr arhosiad.
Tacsi dŵr
Mae Clwb Mordeithio Gogledd Cymru yn gweithredu tacsi dŵr ym Moryd Conwy. Dylid cael gafael ar y gwasanaeth drwy alw’r Lansiad ar VHF Sianel 37 gan ddefnyddio arwydd galw 'Lansiad Clwb Mordeithio'.
Codir tâl bychan am bob taith ac mae'n rhaid talu ar y cwch. Am ragor o wybodaeth am amseroedd gweithredu, rhaglen y gaeaf a'r haf, ffioedd cyfredol, ymwelwch â gwefan Clwb Mordeithio Gogledd Cymru
Nodwch nad yw Awdurdod Harbwr Conwy yn gweithredu’r gwasanaeth hwn ac nid yw'n gallu defnyddio ei gychod gwaith ei hun ar gyfer y diben hwn.
Angorfeydd Morglawdd Llandrillo-yn-Rhos
Mae ardal angori ychwanegol yn gorwedd oddi ar yr arfordir ger Llandrillo-yn-Rhos, wrth ymyl y morgloddiau arfordirol. Gallwch weld golygfeydd Trwyn y Fuwch a'r Gogarth, neu yn syml, fynd ar fordaith ar hyd arfordir hardd Gogledd Cymru.
- safle cysgodol
- mynediad hawdd i ddŵr agored
- cyfartaledd o chwe awr o amser hwylio ar un llanw
Gwneud cais
Os ydych yn gwneud cais am angorfa neu os ydych yn ddeiliad trwydded cyfredol, mae yna amodau cyffredinol y mae'n rhaid i chi eu dilyn er mwyn cynnal eich trwydded angori. Gweler y dogfennau Amodau Cyffredinol am ragor o wybodaeth.
I wneud cais am angorfa yn Harbwr Conwy neu safle Angorfa Morglawdd Llandrillo-yn-Rhos, lawrlwythwch a llenwch y ffurflen gais berthnasol.
Os oes gennych unrhyw gwestiynau ynghylch y broses ymgeisio neu’r amodau cyffredinol ar gyfer y safleoedd hyn, cysylltwch ag Awdurdod Harbwr Conwy.