Gwasanaeth Casglu Clytiau Tafladwy

Mae'r gwasanaeth hwn ar gyfer aelwydydd sy'n defnyddio llawer iawn o glytiau neu gynhyrchion anymataliaeth ac sy’n gweld nad oes ganddynt ddigon o le ar gyfer yr eitemau hyn yn eu bin olwynion.

Sut mae'n gweithio

• I gofrestru ar gyfer y gwasanaeth hwn, cysylltwch â ni yn affch@conwy.gov.uk neu 01492 575337
• Unwaith y byddwch wedi cofrestru, byddwn yn rhoi cadi casglu bach y gellir ei gloi, bagiau casglu a gwybodaeth am y gwasanaeth hwn. Ein nod yw y bydd y rhain yn eich cyrraedd chi o fewn 10 diwrnod gwaith.
• Gallwch ddechrau defnyddio'r gwasanaeth hwn cyn gynted ag y byddwch yn cael bagiau a chadi. Rhowch y clytiau neu’r cynhyrchion anymataliaeth a ddefnyddiwyd yn y bagiau a chlymu'r bag unwaith y bydd yn llawn. Rhowch y bagiau yn eich cadi.
• Ar eich diwrnod casglu, rhowch y cadi ar ymyl y palmant erbyn 7:00. Bydd ein tîm yn gwagio eich cadi ac yn gadael bagiau newydd.
• Os nad ydych chi wedi gadael gwastraff allan am 8 wythnos, byddwn yn dod â’r gwasanaeth casglu i ben.

Mesuriadau'r bin:

• 43cm o uchder, 30cm o ddyfnder a 37cm o led.
• Capasiti: 40 litr.

Beth ydym yn ei gasglu

• Clytiau tafladwy
• Gwastraff newid clytiau, fel hancesi gwlyb, sachau clytiau a gwlân cotwm
• Cynnyrch anymataliaeth (padiau, tronsiau a dillad gwely)

NID YDYM yn casglu:

• Gwastraff glanweithiol (cadachau misglwyf neu damponau).
• Dylid rhoi’r rhain mewn bag a'u rhoi yn eich bin olwynion.
• Gwastraff clinigol. Cysylltwch â'ch nyrs gymunedol i drefnu gwasanaeth casglu gwastraff clinigol gan y Bwrdd Iechyd.
• Gwastraff anifeiliaid (gan gynnwys, deunydd gwely,padiau cŵn bach). Dylai’r rhain gael eu rhoi mewn bag a'u rhoi yn eich bin olwynion.
• Rhaid gwagio stoma neu fagiau colostomi a chathetarau nad ydynt yn heintus cyn i chi eu rhoi yn eich bin sbwriel du.

• .Rhaid mynd â nodwyddau a chwistrellau i fan cyfnewid nodwyddau - holwch eich meddyg os nad oes gennych flwch offer miniog.

Os oes gennych unrhyw gwestiynau neu os nad oes angen y gwasanaeth hwn arnoch bellach, cysylltwch â'r Tîm Cynghori ar yr Amgylchedd drwy anfon neges e-bost afch@conwy.gov.uk neu drwy ffonio 01492 575337.

Diwrnodau casglu