Rydym yn defnyddio cwcis i wneud y safle hwn yn symlach. Drwy bori trwy ein tudalennau rydych yn derbyn ein defnydd o gwcis. Mae rhagor o wybodaeth ar ein tudalen preifatrwydd a chwcis.
Bydd gwaith cynnal a chadw hanfodol o 6pm ar 7/12/17 yn effeithio ar ein gwasanaethau rhyngrwyd, gan gynnwys gwefannau ac e-bost.

Casgliadau gwastraff swmpus


Summary (optional)
Rydym ni’n cynnig gwasanaeth casglu gwastraff swmpus ar gyfer eitemau mwy fel dodrefn, matresi ac offer trydanol.
start content

Gellir mynd a’r rhan fwyaf o eitemau yn rhad ac am ddim i un o’n Canolfannau Ailgylchu Gwastraff y Cartref.

Faint fydd y gost?

Eitemau’r cartref

O 1 Hydref 2018 ymlaen, byddwn yn cynnig casglu un eitem o wastraff swmpus am ddim y flwyddyn i holl aelwydydd Conwy. Gallwn gasglu pum eitem ychwanegol ar yr un pryd am £5 yr eitem. I hawlio eich casgliad am ddim, ffoniwch ein tîm cynghori Cwsmeriaid ar 01492 575337. Nid yw’r casgliad am ddim hwn ar gael i’w archebu ar ein ffurflen ar-lein.

Cost y casgliadau yw £ 20.00 am hyd at bedair eitem. Gallwch archebu dwy eitem ychwanegol am gost o £4.00 yr eitem.

Wrth archebu casgliad, rhaid i chi gael rhestr o'r holl eitemau rydych am i ni eu casglu – gallwch archebu uchafswm o 6 eitem. Ni fyddwn yn casglu unrhyw eitemau nad ydych wedi eu nodi.

Ein diffiniad o ‘eitem swmpus’ yw rhywbeth y gall dau swyddog casglu ei godi heb ddefnyddio unrhyw offer codi.

Dyma enghreifftiau o eitemau y gallwch archebu i'w casglu:

  • Dodrefn megis soffas, cadeiriau, byrddau, cypyrddau dillad
  • Nwyddau gwyn fel oergelloedd, rhewgelloedd, peiriannau sychu dillad, peiriannau golchi
  • Nwyddau trydanol mawr fel setiau teledu, peiriannau torri gwair, cyfrifiaduron neu eitemau eraill na fyddent yn ffitio yn eich bag pinc Crest ar gyfer casglu o ymyl y palmant
  • Gwlâu – sylwch fod pennau gwlâu, fframiau gwely a matresi yn cael eu cyfrif fel eitemau ar wahân
  • Carpedi

Dyma enghreifftiau o eitemau na fyddwn yn eu casglu:

  • Gwastraff DIY / Dymchwel fel rwbel, brics, priddoedd
  • Gwastraff peryglus fel asbestos, diesel/petrol neu olew tanwydd arall
  • Deunyddiau ffrwydrol megis ffrwydron, tân gwyllt neu fflachiadau morol
  • Deunydd ailgylchu cartref cyffredinol a / neu wastraff cyffredinol yr ydym yn casglu fel rhan o’ch gwasanaeth casglu gwastraff cartref rheolaidd
  • Eitemau mawr iawn fel pianos, byrddau pŵl, rhai oergelloedd/rhewgelloedd steil Americanaidd neu unrhyw eitemau y mae angen offer codi arbenigol, neu na fyddent efallai yn ffitio yn y cerbyd casglu

Rydym yn mynd ag eitemau i’n Canolfan Ailgylchu Gwastraff y Cartref ym Mochdre i’w  prosesu, felly os yw eich eitem wedi ei gyfyngu/gwahardd dan ein Polisi Canolfannau Ailgylchu Gwastraff y Cartref yna ni fyddwch yn gallu archebu casgliad ar ei gyfer.

Sut ydw i’n archebu casgliad?

Gallwch archebu casgliad gwastraff swmpus ar-lein gan ddefnyddio ein porth talu. Yna, gallwch ddewis yr opsiwn cywir ar gyfer eich casgliad a thalu amdano. Bydd y tîm casglu yn cysylltu â chi i gadarnhau dyddiad cyfleus. Gallwch hefyd ffonio’r Tîm Cyngor Amgylcheddol ar 01492 575337, e-bost affch@conwy.gov.uk neu cysylltwch â ni yma.

Pa mor fuan fyddwch chi’n casglu fy eitemau?

Unwaith y bydd yr eitemau wedi cael eu harchebu ac wedi’u talu amdanynt, bydd ein Tîm Casgliadau yn eich ffonio i roi dyddiad casglu i chi. Bydd y dyddiad casglu o fewn pythefnos i dderbyn taliad.

Beth sydd angen i mi ei wneud ar fy niwrnod casglu?

Mae angen i chi wneud yn siŵr bod yr eitemau tu allan i’ch eiddo erbyn 08:00 ar ddiwrnod eich casgliad. Os yw’r tywydd yn wael, gorchuddiwch yr eitemau os gallwch chi.

Bydd yr holl eitemau yn cael eu casglu rhwng 08:00-17:00. Sylwer na allwn roi amser penodol. Nid oes angen i chi aros i mewn ar gyfer y tîm casglu os yw eich eitemau yn hawdd i’w gweld ac yn hawdd mynd atynt.

PWYSIG: Ni fydd y timau casglu yn mynd i mewn i'ch eiddo i nôl yr eitemau, ac nid ydynt yn gymwys i ddatgysylltu unrhyw wasanaethau. Os oes angen cymorth arnoch i ddod â'r eitemau o flaen eich eiddo, dylech ofyn i berthynas neu ffrind i'ch helpu i gael eich eitemau yn barod i'w casglu.

Os gennych chi unrhyw ymholiadau ynglŷn a’r Gasgliadau Gwastraff Swmpus, peidiwch a phetruso i gysylltu â ni.

end content

Dod o hyd i'ch ysgolion, ysbytai, gwasanaethau cyngor agosaf a mwy