Dan Ddeddf Mewnfudo a Lloches 1999, mae’r Swyddfa Gartref yn gyfrifol am ddarparu llety i geiswyr lloches cymwys drwy’r system wasgaru genedlaethol. Mae awdurdodau lleol, gan gynnwys Cyngor Bwrdeistref Sirol Conwy, yn gweithio gyda’r Swyddfa Gartref a phartneriaid eraill i ddeall yr effeithiau yn lleol, i godi pryderon pan fo’n briodol, ac i helpu sicrhau bod y llety’n ddiogel, yn cael ei reoli’n dda ac yn cefnogi lles cymunedol.
I gael mwy o wybodaeth am geisio lloches yng Nghymru, gweler y ddogfen hon. (Nid yw’r dudalen we hon ar gael yn y Gymraeg)
content
Mae gan y Swyddfa Gartref ddyletswydd statudol i gynnig llety i geiswyr lloches a fyddai fel arall yn amddifad tra bod eu cais am loches yn cael ei ystyried. O dan bolisi gwasgaru ceiswyr lloches y DU, mae pobl sy’n ceisio lloches yn cael eu lletya ar draws ardaloedd awdurdod lleol gwahanol, er mwyn sicrhau bod cyfrifoldebau llety yn cael eu rhannu’n fwy cyfartal ar draws y wlad.
content
Mae llety a rennir yn darparu man diogel i fyw ar gyfer pobl sydd heb unrhyw fynediad at gyllid cyhoeddus ac sydd methu â chefnogi eu hunain tra bod eu cais am loches yn cael ei asesu. Mae’n helpu i atal digartrefedd ac yn darparu llety sylfaenol hyd nes bydd penderfyniad yn cael ei wneud ar eu statws mewnfudo.
content
Mae’r Swyddfa Gartref yn gyfrifol am benderfynu ble mae ceiswyr lloches yn cael eu lletya. Ymgynghorir ag awdurdodau lleol fel rhan o’r broses, ond mae gan y Swyddfa Gartref gyfrifoldeb cyfreithiol i ddarparu llety i geiswyr lloches a rheoli’r system wasgaru.
content
Mae llinellau amser yn amrywio yn dibynnu ar benderfyniadau’r Swyddfa Gartref, argaeledd eiddo, a threfniadau dan gontract gyda darparwyr llety. Efallai na fydd yr awdurdod lleol yn derbyn penderfyniad terfynol hyd nes bydd y Swyddfa Gartref yn cwblhau ei asesiad ac yn cadarnhau a fydd eiddo’n cael ei ddefnyddio.
content
Yn gyffredinol, mae’r Swyddfa Gartref yn atal rhyddhau gwybodaeth am eiddo penodol cyn deiliadaeth. Y bwriad yw amddiffyn diogelwch a phreifatrwydd y preswylwyr a’r ceiswyr lloches ac i leihau’r risg o brotestiadau, bygythiadau neu ddifrod troseddol. Fodd bynnag, gall yr awdurdod lleol ddarparu gwybodaeth gyffredinol lle caniateir hynny yn ôl canllawiau’r Swyddfa Gartref.
content
Rhaid i’r awdurdod lleol ddilyn canllawiau’r Swyddfa Gartref, gofynion diogelu data, a gweithdrefnau llywodraethu gwybodaeth wrth rannu gwybodaeth am lety arfaethedig i geiswyr lloches. Mewn rhai achosion, gall wybodaeth gael ei nodi fel SWYDDOGOL-SENSITIF, sy’n golygu y bydd ond yn cael ei rannu gydag unigolion sydd â busnes dilys o wybod ac ni ddylai gael ei rannu’n gyhoeddus na’i ddosbarthu tu hwnt i bartïon perthnasol. Bydd pa wybodaeth y gellir ei rhannu, a phryd yn dibynnu ar y cam yn y broses, ystyriaethau cyfrinachedd masnachol, unrhyw gyfarwyddiadau penodol gan y Swyddfa Gartref, a’r angen i amddiffyn diogelwch, preifatrwydd ac uniondeb y broses.
content
Bydd yr awdurdod lleol yn darparu gwybodaeth pan fydd yn gallu gwneud hynny’n gyfreithiol, ac os na fydd gwneud hynny’n creu rhagfarn i broses y Swyddfa Gartref. Os fydd gwybodaeth wedi’i nodi yn SWYDDOGOL-SENSITIF, rhaid i aelodau etholedig, swyddogion, a sefydliadau partner ei drin felly, a’i rannu gydag unigolion sydd â busnes dilys o wybod yn unig. Ni ddylai’r wybodaeth gael ei rhannu’n gyhoeddus na’i ddosbarthu tu hwnt i’r partïon perthnasol hyd nes y gall ei ryddhau’n gyfreithiol ac yn briodol. Bydd cyfleoedd ar gyfer ymgysylltu a thrafodaeth gyhoeddus ehangach yn cael eu hystyried yn unol â chanllawiau’r Swyddfa Gartref, amgylchiadau lleol, gofynion cyfrinachedd a’r cam yn y broses.
content
Mae’r awdurdod lleol yn croesawu adborth gan breswylwyr, aelodau etholedig, grwpiau cymunedol ac asiantaethau partner. Os yw gwybodaeth mewn perthynas â’r cynigion wedi’i nodi’n SWYDDOGOL-SENSITIF, bydd trafodaethau ac ymatebion yn gyfyngedig i unigolion sydd â busnes dilys o wybod, ac yn cael ei reoli yn unol â chyfyngiadau rhannu gwybodaeth cymwys. Os yw’r Swyddfa Gartref yn ceisio barn gan y Cyngor, gall pryderon lleol o ran yr effaith ar y gymuned, hyder y cyhoedd, pwysau o ran tai, galw ar wasanaethau a lles cymunedol gael eu hystyried a’u hadlewyrchu yn ymateb y Cyngor. Bydd unrhyw adborth a dderbynnir yn cael ei ystyried o fewn cwmpas rôl y Cyngor a’r wybodaeth sydd ar gael ar y pryd.
content
Mae gan yr awdurdod lleol gyfrifoldebau o dan Ddeddf Llesiant Cenedlaethau’r Dyfodol (Cymru) 2015 i ystyried lles cymdeithasol, economaidd, amgylcheddol a diwylliannol cymunedau. Mae effeithiau posibl ar gydlyniant cymunedol a gwasanaethau lleol yn cael eu hystyried lle darperir gwybodaeth berthnasol i’r Cyngor.
content
Mae’r awdurdod lleol yn gweithio gyda darparwyr tai, timoedd diogelwch cymunedol, gwasanaethau iechyd amgylcheddol, partneriaid iechyd a Heddlu Gogledd Cymru i helpu sicrhau bod llety’n diwallu’r safonau gofynnol ac eir i’r afael ag unrhyw bryderon a godir gan breswylwyr.
content
Na. Nid oes unrhyw dystiolaeth bod llety i geiswyr lloches yn arwain yn awtomatig at ymddygiad gwrthgymdeithasol. Fodd bynnag, os oes digwyddiadau, cânt eu trin gan ddefnyddio’r un cyfreithiau, polisïau a phwerau gorfodi sy’n gymwys i holl breswylwyr.
content
Gellir adrodd am bryderon i:
- Heddlu Gogledd Cymru
- Timoedd Diogelwch Cymunedol
- Iechyd yr Amgylchedd
- Darparwyr Tai
- Tîm Adsefydlu a Chynhwysiant Cymunedol yr Awdurdod Lleol
Ymchwilir i adroddiadau a gall gamau gael eu cymryd os yw’n briodol.
content
Rhaid i ddarparwyr llety gydymffurfio gyda deddfwriaeth tai a safonau llety’r Swyddfa Gartref. Caiff eiddo eu hasesu ar gyfer addasrwydd ac mae’n rhaid i lefelau deiliadaeth fodloni gofynion cyfreithiol.
content
Rhaid i eiddo ddiwallu gofynion diogelwch tân perthnasol, a all gynnwys:
- Systemau larymau mwg a thân
- Llwybrau dianc rhag tân
- Drysau sy’n gwrthsefyll tân lle bo angen
- Archwiliadau a chynnal a chadw rheolaidd
Mae darparwyr llety yn gyfrifol am sicrhau bod y safonau hyn yn cael eu cynnal.
content
Mae gan sefydliadau gwahanol gyfrifoldebau gwahanol:
- Mae’r Swyddfa Gartref yn goruchwylio contractau llety i geiswyr lloches.
- Mae darparwyr llety yn rheoli’r eiddo a phreswylwyr.
- Gall yr awdurdod lleol ymchwilio i bryderon tai neu amgylcheddol penodol.
- Mae’r Heddlu’n delio gyda gweithgarwch troseddol lle bo angen.<.li>
content
Mae gan y Swyddfa Gartref ddyletswydd statudol i letya ceiswyr lloches cymwys. Mae penderfyniadau yn cael eu gwneud ar sail gofynion cyfreithiol, argaeledd llety, angen gweithredol a threfniadau gwasgaru cenedlaethol. Mae safbwyntiau’r gymuned yn bwysig ac yn cael eu hystyried, ond dim ond un ffactor yw hyn ymysg nifer o ystyriaethau.
content
Gall breswylwyr:
- Gysylltu â’r Cyngor.
-
- Cysylltu â’u Cynghorydd lleol.
-
- Adrodd am ymddygiad gwrthgymdeithasol i Heddlu Gogledd Cymru.
-
- Cyflwyno pryderon trwy wasanaethau priodol y Cyngor.
- Mynychu cyfarfodydd cyhoeddus neu ddigwyddiadau ymgysylltu sydd wedi’u trefnu.