Ein hymrwymiad i chi
Byddwn yn:
- Dangos parch tuag atoch
- Yn deg ac yn gymwynasgar
- Yn eich trin fel unigolyn drwy ddarparu’r gwasanaeth sydd arnoch ei angen
- Ymddwyn yn broffesiynol
- Cymryd cyfrifoldeb pan fyddwn yn delio gyda chi, gan wneud yn siŵr ein bod yn gwneud beth bynnag sydd ei angen
- Cadw at ein Polisi Cyfleoedd Cyfartal
- Cysylltu â chi yn eich dewis dull, os rowch wybod i ni beth ydyw
- Egluro unrhyw beth sydd arnoch chi angen ei wneud
- Gwneud yn siŵr bod ein swyddfeydd yn groesawgar a dymunol
- Gwneud yn siŵr bod ein swyddfeydd mor ddiogel â phosibl i’n holl gwsmeriaid a staff
- Gwneud yn siŵr bod yr holl wybodaeth a rowch i ni yn cael ei chasglu, ei chadw, ei phrosesu a’i gwaredu’n unol â Deddf Diogelu Data 2018
- Darparu gwybodaeth hawdd i’w deall ar ein gwefan, yn bersonol ac yn ein gohebiaeth ysgrifenedig
- Gwrando ar eich ymholiadau a’ch pryderon a rhoi gwybod i chi pa mor sydyn y gallwn ymdrin â nhw
- Ymdrin â’ch sylwadau, awgrymiadau a’ch cwynion mewn modd cadarnhaol a chyfrifol.
Gallwn gynnig y canlynol i chi:
- Staff sy’n siarad Cymraeg a Saesneg
- Gwasanaeth dehongli Iaith Arwyddo Prydain
- Gwybodaeth mewn Braille neu brint bras ar gais
- Gwasanaeth cyfieithu ar gais os nad Cymraeg na Saesneg yw eich iaith gyntaf
- Ystafell gyfweld breifat ar gyfer apwyntiadau
- Lle parcio a chyfleusterau i bobl anabl.
Pan fyddwch yn cysylltu â ni, byddwn yn:
- Ateb eich galwad ble bynnag y bo’n bosibl. Os nad ydym ni’n gallu ateb eich galwad, bydd modd i chi adael neges llais. Os ydych chi’n gadael neges, byddwn yn eich ffonio’n ôl o fewn dau ddiwrnod gwaith
- Ateb eich ymholiad ar y pwynt cyswllt cyntaf ble bynnag y bo’n bosibl
- Ymateb i’ch llythyr/e-bost o fewn 5 diwrnod gwaith. Os na fydd hyn yn bosibl, byddwn yn egluro pam
- Cysylltu â chi o fewn 2 ddiwrnod gwaith i drefnu apwyntiad os ydych chi’n ymweld â’r swyddfa ac nad ydym ni ar gael i’ch gweld chi bryd hynny.
Gofynnwn i chi:
- Dangos parch tuag atom. Ni fyddwn yn goddef unrhyw aflonyddwch, fygythiad nac ymosodiad. Ni fyddwn yn goddef unrhyw fath o gam-drin, pa un ai yw hynny wyneb i wyneb neu dros y ffôn
- Bod yn garedig tuag at gwsmeriaid eraill
- Cyrraedd ar amser ar gyfer apwyntiadau
- Darparu unrhyw wybodaeth berthnasol a ofynnwn amdani
- Rhoi gwybod i ni os oes gennych chi anghenion mynediad arbennig neu unrhyw anghenion eraill
- Gofyn i ni i egluro unrhyw beth nad ydych chi’n siŵr ohono
- Rhoi gwybod i ni os ydych chi’n hapus gyda’n gwasanaeth
- Rhoi gwybod i ni os ydych yn anfodlon gyda’n gwasanaeth a sut y gallwn ni ei wella.
Tudalen nesaf: Perchnogion eiddo gwag
Tudalen flaenorol: Cysylltwch â'r gwasanaeth