Gyrfaoedd ym maes Gofal Cymdeithasol

Dyma Stephanie Robbins – Pennaeth Gwasanaethau Plant, Teuluoedd a Diogelu

Mae Steph yn dweud wrthym sut mae ei maes gwaith yn cael effaith ar fywydau plant a’u teuluoedd sy’n byw yng Nghonwy

What does a Family Therapeutic Worker do

Dyma Sarah - who explains what a Family Intervention Worker does

Therapydd Galwedigaethol

Beth yw Therapydd Galwedigaethol?

Mae Therapyddion Galwedigaethol yn helpu pobl i feithrin gwytnwch, fel bod modd iddynt reoli eu bywydau a’u hamgylchiadau o ddydd i ddydd yn well. Maen nhw’n asesu ac yn gwneud argymhellion sy’n briodol i anghenion pobl yn seiliedig ar ble maen nhw’n awr a lle byddent yn hoffi bod.

Pa sgiliau craidd sydd eu hangen ar Therapyddion Galwedigaethol?

Mae angen i Therapyddion Galwedigaethol fod yn gyfathrebwyr rhagorol. Mae hyn yn cynnwys gallu gwrando ac asesu beth sydd angen ei wneud i helpu pobl. Mae angen iddynt fod yn amyneddgar, pwyllog, brwdfrydig, llawn cymhelliant ac empathi.

Pa rolau sydd ar gael yng Nghonwy fel Therapydd Galwedigaethol?

Mae ein Therapyddion Galwedigaethol yn gweithio ar draws sawl tîm yn ein Gwasanaeth Gofal Cymdeithasol ehangach. Yn eu plith mae Cymorth i Deuluoedd ac Ymyrraeth, Pobl Ddiamddiffyn, Cymorth a Chyngor Cynnar, Gwaith Cymdeithasol Pobl Hŷn ac Ysbytai a’n timau Anableddau.

Pa sgiliau a chymwysterau sydd eu hangen i ddechrau arni?

I weithio fel Therapydd Galwedigaethol bydd arnoch angen Diploma neu radd BSc mewn Therapi Galwedigaethol, ond nid oes angen y cymhwyster hwn arnoch o reidrwydd i ymgeisio am swydd gyda Chonwy, gan ein bod yn hyfforddi llawer ohonynt yn y swydd. Bydd angen i chi hefyd gofrestru â’r Cyngor Proffesiynau Iechyd.

Cyflog cyfartalog: £36,200 – £39,400 yn ddibynnol ar brofiad.

Dyma Lindsey

Ymunais â thîm Gofal Cymdeithasol Conwy yn 2001 fel Therapydd Galwedigaethol newydd gymhwyso. Fel mam newydd, roeddwn yn gallu gweithio’n rhan amser a chael cydbwysedd rhwng ymrwymiadau gwaith a theulu.

Dros y blynyddoedd, rydw i wedi mwynhau gweithio gyda phlant ac oedolion fel Therapydd Galwedigaethol Cymunedol. Mae gweld pobl yn cadw eu hannibyniaeth a gallu cael swyddi ystyrlon yn rhoi llawer iawn o foddhad.

Fe wnes i symud ymlaen i weithio fel rheolwr tîm ac rwyf bellach yn rheoli tîm bychan o Therapyddion Galwedigaethol Cynorthwyol a’r Gwasanaeth Teleofal. Mae gweithio i Gonwy wedi caniatáu i mi gael gyrfa ddiddorol a heriol, lle cefnogir fy natblygiad personol a’m hyfforddiant.

Mae Gofal Cymdeithasol wedi cynnig hyblygrwydd i mi o ran oriau a gweithle, ac mae hynny wedi bod yn hynod werthfawr i mi wrth fagu fy mhlant a chael cydbwysedd rhwng bywyd a gwaith. Byddwn yn argymell Conwy yn ddi-os. Mae pob diwrnod yn wahanol a ’does byth eiliad ddiflas!

---