Am beth mae’n sôn?
Mae’r Ddeddf Rheoli Llifogydd a Dŵr 2010 yn rhoi pwerau a chyfrifoldebau ychwanegol i Gynghorau yng Nghymru ar gyfer rheoli llifogydd o ddŵr wyneb, dŵr daear a chwrs dŵr cyffredin.
Fel rhan o hyn, mae Cyngor Bwrdeistref Sirol Conwy wedi cael ei ddynodi fel Awdurdod Llifogydd Lleol Arweiniol. Golyga hyn bod angen i chi gael caniatâd y Cyngor i wneud unrhyw waith i gwrs dŵr cyffredin. Cafodd y cyfrifoldeb hwn ei drosglwyddo o Gyfoeth Naturiol Cymru ym mis Ebrill 2012, a nhw sydd dal â chyfrifoldeb dros roi caniatâd i waith i brif afonydd.
Ers cyflwyno'r Ddeddf Rheoli Llifogydd a Dŵr, mae Awdurdodau Llifogydd Lleol Arweiniol, yn cynnwys Cyngor Bwrdeistref Sirol Conwy wedi codi pryderon ynglŷn â’n diffyg pwerau cyfreithiol i reoli perygl llifogydd. Golyga hyn nad yw rhai gweithgareddau i ac o amgylch cyrsiau dŵr cyffredin angen caniatâd, ond gallai gynyddu’r perygl llifogydd.
Er mwyn rheoli’r perygl hwn, mae cyfres o Is-Ddeddfau Draenio Tir cenedlaethol wedi eu cymeradwyo gan Lywodraeth Cymru.
Cyn i Gyngor Bwrdeistref Sirol Conwy fabwysiadu’r is-ddeddfau hyn, gofynnom am adborth.
Cynhaliwyd y cyfnod ymgynghori ar gyfer yr is-ddeddfau rhwng 8 Tachwedd 2018 a 15 Chwefror 2019. Rydym yn ystyried yr ymatebion a byddwn yn adrodd ein canfyddiadau i’r Cabinet i benderfynu a ddylai’r is-ddeddfau gael eu mabwysiadu.