Gwarchodwyr Plant
Mae gwarchodwyr plant yn ddarparwyr gofal plant sy’n gweithio yn eu cartrefi eu hunain ac mae’n bosibl y byddant yn cynnig gofal llawn amser neu ran amser, gan gynnwys gofal cyn ac ar ôl ysgol, gofal cofleidiol a gofal yn ystod gwyliau.
Gofal dydd
Gall darparwyr gofal dydd gynnig gofal llawn amser neu ran amser, darpariaeth gofleidiol, gofal y tu allan i’r ysgol a darpariaeth yn ystod gwyliau. Mae’r rhain yn cynnwys:
- Meithrinfeydd Dydd
- Cylchoedd chwarae
- Cylchoedd Meithrin
- Clybiau gofal plant y tu allan i’r ysgol, gan gynnwys
- Clwb Brecwast, Clwb Ar ôl Ysgol, Clwb Gwyliau a gofal cofleidiol
Am fwy o fanylion am unrhyw un o’r uchod, cysylltwch â Gwasanaeth Gwybodaeth i Deuluoedd Conwy.
Gofal plant anghofrestredig
Nid yw pob un lleoliad gofal plant yn gorfod cofrestru ag Arolygiaeth Gofal Cymru. Yn gyffredinol, mae sesiynau yn y lleoliadau hyn yn cael eu rhedeg am lai na 2 awr y dydd neu nid yw’r darparwr yn derbyn tâl am y gofal plant, ond mae ambell i eithriad.
Gall gofal plant anghofrestredig gynnwys:
- Gwasanaethau ‘au pair’
- Ffrindiau a theulu sy’n gwarchod neu’n darparu gofal
Os ydych mewn unrhyw amheuaeth ac yn dymuno gwirio a oes angen cofrestru gallwch gysylltu ag Arolygiaeth Gofal Cymru neu Wasanaeth Gwybodaeth i Deuluoedd Conwy am gyngor.
Os ydych yn defnyddio gofal plant sydd heb gofrestru neu heb gael ei gymeradwyo ni fydd modd i chi hawlio cymorth ariannol gan Lywodraeth y DU.
Cynllun Cymeradwyo Gwirfoddol Gofal Plant yn y Cartref, Cymru
Gall unrhyw un, heblaw am berthynas agos, sy’n darparu gofal plant yng nghartref plentyn (e.e. nani) wneud cais i fod yn ddarparwr gofal plant cymeradwy.
Rhaid iddynt:
- Fod yn 18 oed neu’n hŷn
- Meddu ar gymhwyster gofal plant
- Meddu ar dystysgrif cymorth cyntaf perthnasol
- Bod wedi derbyn datgeliad manylach gan y Gwasanaeth Datgelu a Gwahardd
Mae mwy o wybodaeth ar gael am Gynllun Cymeradwyo Gwirfoddol Gofal Plant yn y Cartref yng Nghymru ar wefan Arolygiaeth Gofal Cymru.