Mae cynyddu’r cyflenwad o dai fforddiadwy yn un o flaenoriaethau allweddol y Cyngor. Rydym am i bobl yng Nghonwy gael mynediad at lety fforddiadwy ac addas o safon uchel sy’n gwella safon eu bywydau.
Mae gan dai fforddiadwy ddiffiniad penodol iawn yng nghyd-destun cynllunio defnydd tir a'r Cynllun Datblygu Lleol Newydd (CDLl). Mae dogfennau polisi cynllunio cenedlaethol a Nodyn Cyngor Technegol 2 (TAN2) yn cynnwys y diffiniad o dai fforddiadwy at y diben hwn.
Mae Polisi Cynllunio Cymru yn diffinio tai fforddiadwy, at ddibenion y system cynllunio defnydd tir ar gyfer tai, yn dai lle ceir dulliau diogel i sicrhau eu bod yn hygyrch i’r rhai hynny nad ydynt yn gallu fforddio prisiau'r farchnad dai, fel perchnogaeth gyntaf ac i breswylwyr dilynol.
Mae tai fforddiadwy yn cynnwys:
- Tai rhent cymdeithasol sy’n eiddo i awdurdodau lleol a landlordiaid cymdeithasol cofrestredig. Caiff lefel y rhent ei phennu gan ddarparwyr tai cymdeithasol ac mae’n rhaid iddi gyrraedd safonau Llywodraeth Cymru (safon-rhent-thaliadau-gwasanaeth-2026-i-2036.docx)
- Tai rhent canolradd ble mae’r rhent wedi’i bennu ar lefel Lwfans Tai Lleol (Budd-dal Tai - Cyngor Bwrdeistref Sirol Conwy County) neu 80% o rent y farchnad agored
- Perchentyaeth cost isel lle caiff eiddo eu gwerthu am bris rhatach na gwerth y farchnad. Mae hyn yn cynnwys rhanberchnogaeth a chynlluniau rhannu ecwiti
Cyfeirir at bob math arall o dai fel ‘tai ar y farchnad agored’ – tai preifat ar werth neu i’w rhentu am bris y farchnad agored a’r feddiannaeth ddim yn cael ei rheoli gan yr awdurdod lleol.
Nesaf: Tai canolradd