Gwaith cynnal hanfodol ar y wefan – Dydd Iau 9 Ionawr 2020

Byddwn yn gwneud gwaith cynnal hanfodol ar y wefan trwy'r prynhawn, a fydd yn effeithio rhywfaint ar systemau. Rydyn ni'n ymddiheuro ymlaen llaw am unrhyw anghyfleustra y gallai'r gwaith ei achosi a byddwn yn ceisio tarfu cyn lleied â phosib'.

Chwilio am gartref: tai i bobl ifanc


Summary (optional)
start content

Os gofynnwyd i chi adael eich cartref, neu os ydych chi'n chwilio am gartref, rydym yma i helpu.

Os ydych chi'n 16 neu'n 17 oed ac wedi gofynnwyd i adael eich cartref:

  • Byddwn yn cysylltu â'ch rhieni / gwarcheidwaid ar eich rhan ac os ydyn nhw'n dweud wrthym na allwch fynd adref ac nad oes teulu arall a all helpu, byddwn yn cysylltu â Gwasanaethau Plant ar eich rhan a byddwch yn derbyn asesiad ar y cyd rhyngom ni a nhw.
  • Yn gyntaf, bydd yr asesiad yn cadarnhau'r sefyllfa a thrafod yr hyn sydd wedi digwydd. Yna byddwn yn ceisio llunio cytundeb rhyngoch chi a'ch rhieni i weld os oes modd i chi ddychwelyd i gartref y teulu os yw'n ddiogel gwneud hynny.
  • Os gallwch chi fynd adref, yna ni fydd gennym ddyletswydd i ddarparu unrhyw lety i chi, ond gallwn roi cyngor i chi o hyd. Os gallwch chi fynd adref, ond dros dro yn unig, byddwn yn parhau i weithio gyda chi i edrych ar eich opsiynau tai ar gyfer y dyfodol.
  • Os na allwch fynd adref o gwbl, yna efallai y byddwn yn cynnig llety dros dro i chi.

Os ydych chi’n chwilio am gartref i chi eich hun:

  • Os ydych chi’n gallu aros gyda’ch rhieni ond yn dymuno chwilio am rywle arall i fyw, yna gallwn roi cyngor i chi am hyn. Wrth chwilio am rywle i fyw mae'n bwysig ystyried sut y gallwch dalu amdano.
  • Cofiwch bod angen ystyried rhent a’r holl filiau eraill. Byddai’r rhain yn cynnwys pethau fel dŵr, nwy, trydan, Treth y Cyngor ac ati. Hefyd mae’n rhaid ystyried biliau bwyd, eich ffôn symudol ac unrhyw weithgareddau cymdeithasol. Os nad ydych yn talu eich rhent a biliau eraill yr aelwyd byddwch yn colli eich tenantiaeth.

Prosiect y Dderwen:

  • Os ydych chi o dan 25 oed ac yn poeni am fod yn ddigartref, efallai y gall Prosiect y Goeden Dderw helpu. Eu nod yw:
    • camu i mewn ac atal pobl ifanc rhag mynd yn ddigartref
    • rhoi cyngor ac arweiniad
    • gwneud yn siŵr bod pobl ifanc yn gwybod eu hopsiynau
    • cysylltu â gwasanaethau eraill

  • Cysylltwch â'r Prosiect y Dderwen:

Nesaf: Tai i bobl hŷn

end content