Beth i'w wneud os ydych yn cael trafferth talu?
Mae'n bwysig eich bod yn cysylltu â'r Adran incwm cyn gynted â phosibl gan y gallai methu a thalu olygu camau adfer trwy'r llys sirol, neu Asiant Casglu yn galw heibio eich cartref neu eich gwaith. Efallai bydd yn bosibl talu mewn rhandaliadau; bydd angen i chi gysylltu â'r Adain Incwm i gytuno ar gynllun talu rhesymol (mae ein manylion cyswllt ar waelod y dudalen hon).
Beth os ydw i'n cael Gwŷs Llys Sirol?
Os ydych dal heb dalu eich bil ar ôl cael nodyn atgoffa a rhybudd terfynol, byddwch yn cael gwŷs oddi wrth y Llys Sirol. Er mwyn osgoi cael dyfarniad llys sirol a fydd yn effeithio ar eich graddfa gredyd: mae'n rhaid i chi dalu'r swm a ddangosir ar y wŷs ar unwaith.
Os nad ydych yn gallu talu'r swm cyfan a'ch bod yn dymuno cynnig rhandaliadau, dylech lenwi'r ffurflen gyfaddefiad sydd yn sownd i'r gŵys. Ni fydd hyn yn atal dyfarniad llys sirol yn eich erbyn, ond bydd yn atal cyfarwyddo camau gorfodaeth fel y beili.
Os ydych wir yn credu nad oes arnoch unrhyw arian, dylech lenwi'r ffurflen amddiffyniad sydd yn sownd i'r gŵys a'i dychwelyd i'r llys cyn gynted â phosibl. Yna bydd angen i chi fynychu'r llys i nodi eich achos wrth y barnwr, a fydd wedyn yn gwneud penderfyniad yn seiliedig ar y ffeithiau a gyflwynwyd iddo.
Cysylltwch â ni
Ffôn: (01492) 576610
E-bost: mananfonebau@conwy.gov.uk
URL cyflym: www.conwy.gov.uk/mananfonebau
PO Box 1,
Conwy,
LL30 9GN
Oriau Agor:
- Llun - Iau: 9am - 5pm
- Gwener: 9am - 4:45pm