Beth i’w Ddisgwyl yn Ystod y Broses Gwneud Cais am Loches
Gall y broses ymgeisio am loches gymryd amser. Yn ystod y cyfnod hwn, efallai y bydd disgwyl i chi:
Fynd i Apwyntiadau:
Dylech fynd i'r holl apwyntiadau a drefnir gan y Swyddfa Gartref ac unrhyw ddarparwyr cymorth.
Cadw Manylion Cyswllt yn Gyfredol:
Rhaid i chi hysbysu’r sefydliadau perthnasol os yw eich cyfeiriad, rhif ffôn neu amgylchiadau yn newid.
Dilyn Rheolau’r Llety:
Os ydych yn byw mewn llety lloches, dylech ddilyn unrhyw reolau sydd gan y darparwr lloches.
Ymgysylltu â Gwasanaethau Cymorth:
Anogir chi i gael mynediad at addysg, gweithgareddau cymunedol a gwasanaethau cymorth os ydynt ar gael.
Dysgu Saesneg:
Gall datblygu sgiliau Saesneg helpu gyda bywyd bob dydd, cael mynediad at wasanaethau a chyfleoedd cyflogaeth yn y dyfodol.
Disgwyliadau Saesneg:
Ni ddisgwylir i chi siarad Saesneg pan fyddwch yn cyrraedd. Fodd bynnag, bydd dysgu Saesneg yn eich helpu chi i:
- Siarad gyda gwasanaethau lleol
- Cefnogi eich plant yn yr ysgol
- Cael mynediad at gyfleoedd cyflogaeth
- Meithrin cysylltiadau cymdeithasol
- Cynyddu annibyniaeth
Gall y Tîm Adsefydlu a Chynhwysiant Cymunedol eich helpu chi i ddod o hyd i gyrsiau Saesneg ar gyfer Siaradwyr Ieithoedd Eraill (ESOL)
Cefnogaeth
Gall y Tîm Adsefydlu a Chynhwysiant Cymunedol ddarparu canllawiau a’ch cyfeirio at:
- Wasanaethau lleol
- Grwpiau cymunedol
- Darpariaeth ESOL
- Gwasanaethau iechyd
- Darparwyr addysg
- Sefydliadau cefnogaeth ar gyfer cyflogaeth
Rhagor o wybodaeth