Gwybodaeth i Letywyr
Diolch am agor eich cartref a chefnogi unigolion a theuluoedd sydd wedi cael eu dadleoli yn sgil y gwrthdaro yn Wcráin.
Mae lletywyr yn chwarae rhan hanfodol i helpu pobl i ymgartrefu i’w cymuned newydd wrth addasu i fywyd yn y DU. Fel lletywr, gallwch ddisgwyl cefnogaeth gan y Tîm Adsefydlu a Chynhwysiant Cymunedol trwy gydol y cyfnod lletya.
Y Broses Letya
- Paru dechreuol a chymeradwyaeth nawdd. Bydd y Cyngor yn cyflawni gwiriadau ar yr eiddo
- Bydd gwiriadau’r Gwasanaeth Datgelu a Gwahardd yn digwydd os oes angen
- Trefniadau cyrraedd a chroesawu’r gwestai
- Cymeradwyo’r lletywyr a chyflwyno fisa i’r teulu/unigolyn
- Llythyr croeso i’r teulu sy’n lletya. Ymweliad dechreuol i’r llety.
- Cefnogaeth barhaus gan y tîm adsefydlu, gan gynnwys ymweliadau lles rheolaidd ac adolygiadau llety.
- Bydd taliad misol i ddiolch i’r lletywr yn cael ei drefnu.
Taliadau Cyrraedd
Efallai bydd gwestai cymwys sy’n cyrraedd o dan y Cynllun Cartrefi i Ffoaduriaid o Wcráin, yn derbyn taliad cyrraedd dechreuol er mwyn helpu i dalu am gostau hanfodol wrth ymgartrefu yn eu llety newydd.
Bydd eich Swyddog Adsefydlu yn egluro cymhwysedd a threfniadau talu ar ôl i chi gyrraedd.
Diwedd Taliadau Diolch
Gall drefniadau ariannu’r Llywodraeth newid dros amser.
Mae lletywyr yn gymwys am daliadau diolch misol sy’n parhau hyd nes i Fisa Estyn Cyfnod Gwladolion o Wcráin o 18 mis, ddod i ben.
Gallwch ddarllen mwy am Gynllun Estyniad Caniatâd yr Wcráin yma: Cynllun Estyniad Caniatâd yr Wcráin
Os ydych yn dod tuag at ddiwedd eich taliadau diolch, bydd y Tîm Adsefydlu a Chynhwysiant Cymunedol yn cysylltu â chi i drafod y dewisiadau sydd ar gael a darparu cyngor ar y camau nesaf. Gall hyn gynnwys:
- Parhau gyda threfniadau lletya
- Cefnogi cynllun symud ymlaen
- Mynediad at gyngor tai
- Canllawiau ar ddewisiadau rhentu preifat
Cefnogaeth a Manylion Cyswllt
Rydym yn darparu cefnogaeth gyda:
- Thai a llety
- Cyngor ar fudd-daliadau a lles
- Derbyniadau ysgolion
- Cefnogaeth gyda chyflogaeth
- Mynediad at ofal iechyd
- Integreiddio yn y gymuned
Cysylltwch â'r Tîm Cynhwysiant Cymunedol ac Ailgartrefu drwy ddefnyddio ein ffurflen gyswllt neu drwy anfon e-bost: ukrainesupport@conwy.gov.uk