Sut i ddefnyddio gwasanaeth Ffonio a Chasglu ein Llyfrgelloedd
Mae Llyfrgelloedd Conwy’n gweithio i sicrhau fod ein cyflenwad llyfrau llyfrgell ar gael yn y ffordd fwyaf diogel i’n cwsmeriaid ac i’n staff.
Gofynnwn i chi fod yn amyneddgar wrth i ni weithio at ehangu ein cynnig llyfrgell yn unol â Chanllawiau Iechyd y Cyhoedd.
Am y tro, golyga hyn y gallwch ofyn i staff y llyfrgell ddewis detholiad o lyfrau i chi o un o’n Llyfrgelloedd.
Byddwn yn trefnu dyddiad ac amser i chi gasglu’r llyfrau o fynedfa’r llyfrgell.
- Llenwch y ffurflen isod gyda’ch dewisiadau darllen
Neu ffoniwch ni ar 01492 576139 a gallwn lenwi’r ffurflen ar eich rhan dros y ffôn.
- Bydd staff y llyfrgell yn dewis eich llyfrau / llyfrau llafar yn seiliedig ar eich dewisiadau darllen a byddant yn eu benthyg ar eich rhif cerdyn llyfrgell.
Ni fyddwn yn llwyddo bob tro ond ein gobaith yw eich cyflwyno i lyfrau ac awduron newydd y byddwch yn eu hoffi.