Blaengwrt gorsaf drenau Bae Colwyn

start content

Mae blaengwrt yr orsaf drenau yn lleoliad allweddol a allai elwa o welliannau hygyrchedd. Ceir sy’n ennill lle blaenllaw yn y cynllun presennol. Gall fod yn rhwystr corfforol i bobl, yn enwedig pobl â phroblemau symudedd, gael mynediad at orsaf drenau neu deithio o’r orsaf i ganol y dref.

Mae’r ardal yn borth allweddol i Fae Colwyn, y mae ymwelwyr yn ei ddefnyddio wrth gyrraedd neu adael ar y trên. Mae’r cynllun presennol yn golygu y gall pobl ystyried teithio rhwng yr orsaf drenau, y promenâd, canol y dref a rhannau eraill o’r dref yn brofiad annymunol. Mae cyfle i ddisodli maes parcio’r blaengwrt gyda sgwâr cyhoeddus deniadol, a fyddai’n creu argraff dda o ganol y dref.

Mae cyfle hefyd i annog pobl i deithio’n gynaliadwy, gyda chyfleusterau ar gyfer beicwyr (megis storfeydd beiciau) a cherddwyr (megis llwybrau lletach) a phwyntiau gwefru ar gyfer cerbydau trydan

Materion allweddol

Mynediad is na’r safon i gerddwyr, llwybrau cul a chysylltiadau gwael â chanol y dref.
Mae angen gwneud gwaith cynnal a chadw ar ardaloedd i gerddwyr o ran rhoi wyneb newydd ac mae palmant botymog ar goll.
Nid yw’r llwybrau cerdded yn rhai uniongyrchol rhwng yr orsaf drenau ac ardaloedd allweddol eraill.
Diffyg cyfleusterau ar gyfer beics gan gynnwys llwybrau a mannau parcio.

Cynigion

Creu porth gwell ynghyd â sgwâr newydd, yn cynnwys palmentydd, planhigion ac ardaloedd i bobl gwrdd ac ymlacio, o ansawdd gwell.
Darparu cysylltiadau gwell rhwng canol y dref, yr orsaf drenau a’r promenâd, trwy osod llwybrau newydd, lletach ar gyfer cerddwyr a beicwyr.
Cadw’r ardaloedd gollwng ar gyfer tacsis a cherbydau yn yr orsaf drenau.
Symud y gofodau parcio presennol ar y blaengwrt i hen safle Neuadd y Farchnad, ychwanegu mwy o lefydd parcio i bobl anabl a phwyntiau gwefru ar gyfer cerbydau trydan.
Creu llefydd diogel i barcio beics.
Gosod mwy o arwyddion dynodi’r ffordd er mwyn ei gwneud hi’n haws i bobl ddod o hyd i atyniadau lleol allweddol.