Daeth deddfwriaeth newydd i rym ym mis Rhagfyr 2014 o'r enw Rheoliadau Gwybodaeth Bwyd (Cymru), sy'n gosod cyfrifoldeb ar fusnesau bwyd i roi gwybod i gwsmeriaid os oes unrhyw un o'r 14 o alergenau a nodir isod yn cael eu defnyddio mewn pryd o fwyd.
- Seleri
- Grawnfwydydd sy’n cynnwys glwten
- Cramenogion
- Wyau
- Pysgod
- Bleiddbys
- Llaeth
- Molysgiaid
- Mwstard
- Cnau
- Cnau daear
- Hadau sesame
- Soia
- Sylffwr deuocsid
Nodwch: Mae yna alergenau bwyd eraill y gall pobl ddioddef ohonynt, ac mae’n rhaid gwasanaethu i’w hanghenion os ydynt yn rhoi gwybod i’r busnes am unrhyw alergedd.
Beth sydd angen i mi ei wneud?
- Rhaid rhestru’r 14 alergen yn glir mewn lle amlwg fel bwydlen, bwrdd sialc neu becyn gwybodaeth.
- Os nad yw’r wybodaeth hon ar ddangos, rhaid i’r busnes ddangos sut y gellir cael gwybodaeth o'r fath e.e.
'Siaradwch â'n staff am y cynhwysion yn eich pryd, wrth roi eich archeb'
- Mae angen hyfforddi Staff ar ofynion alergenau. Mae hyfforddiant ar-lein yn rhad ac am ddim ar gael ar wefan yr Asiantaeth Safonau Bwyd.
Cyngor ac Arweiniad
Mae'r Asiantaeth Safonau Bwyd wedi llunio adnoddau amrywiol i helpu busnesau i gydymffurfio â'r rheoliadau, ac maent yn amrywio o bosteri, taflenni, cardiau ryseitiau yn ogystal â hyfforddiant alergenau ar-lein sy’n rhad ac am ddim.