Hyfforddiant
Mae ein ffocws wedi bod ar gynnig cymysgedd o hyfforddiant, gan flaenoriaethu sgiliau sector penodol a sgiliau a arweinir gan gyflogwyr. Mae hyn wedi sicrhau bod gan ymgeiswyr posibl ar gyfer cael gwaith y sgiliau, gwybodaeth a chymwysterau sy’n berthnasol nid yn unig ar gyfer cyfleoedd gwaith presennol ond cyfleoedd gwaith sydd ar ddod yng Nghonwy hefyd.
Gwnaethom ni ddatblygu a darparu ystod o gyfleoedd hyfforddi creadigol ac arloesol, a meithrin perthnasoedd rhyngasiantaethol, amlddisgyblaethol a sector cyfan effeithiol i weithio ar fentrau. Gwnaethom ni hefyd gydweithio â sefydliadau i gynnal hyfforddiant a llwybrau recriwtio sy’n benodol i’r sector yn cynnwys:
- Cylch Mentoriaid Adeiladu gyda Wynne Construction
- Llwybr 8 Wythnos gyda Crest
- Cwrs Cerbydau Nwyddau Trwm gydag Adran Sbwriel a Road to Logistics Cyngor Bwrdeistref Sirol Conwy
- Cyflwyniad i gwrs hyfforddiant Gofal Cymdeithasol gydag Adran Gofal Cymdeithasol a Gwasanaethau Addysg Cyngor Bwrdeistref Sirol Conwy
- Cwrs hyfforddiant a phrofiad gwaith 9 wythnos gyda Hickory’s yn Llandrillo-yn-Rhos
- Pythefnos o hyfforddiant a phrofiad gwaith adeiladu gyda Procure Plus
46 o Gyrsiau Hyfforddi, yn cynnwys:
- Adeiladu
- Ailgylchu
- Arlwyo
- CSCS
- Cerbydau Nwyddau Trwm
- Cyfrifiadura/TGCh
- Cymhorthydd Dysgu
- Diogelwch
- Ffermio
- Gofal Cymdeithasol
- Gofal Plant
- Harddwch
- Iechyd a Diogelwch
- Lletygarwch
- Logisteg
- Manwerthu
- Mecaneg
- Plymio
- Saernïaeth
- Trin Gwallt
- Trydanol
Mae Jason Davies, o Hen Golwyn, bellach yn gweithio fel porthor cegin yn Hickory’s Smokehouse yn Llandrillo-yn-Rhos.
Fe wnaeth Jason, sy’n 34 oed, gymryd rhan yn y cwrs naw wythnos, lle bu’n magu hyder ac yn rhan o sesiynau ar waith tîm a chyfathrebu, sut i lunio CV a chael profiad go iawn. Dywedodd Prif Gogydd Hickory’s, Luke King: “Mae Jason wedi bod yn gaffaeliad mawr ac mae wedi gweithio’n galed drwy’r broses i gyd. Rydym ni’n falch iawn o’i gael yn rhan o’r tîm.”
Cafodd Tom Whitworth swydd gyda RELM Construction ar ôl gwneud argraff dda ar leoliad yn rhan o gwrs pythefnos ymarferol ac yn y dosbarth a gafodd ei gynnal ar y cyd â Procure Plus.
Mae RELM Construction yn arbenigo yn y sector cynnal a chadw bwriadol ac ymatebol, yn ogystal â chynlluniau adnewyddu masnachol, ac roeddent yn canmol Tom am ei “agwedd gadarnhaol” a’i “awch i ddysgu”. Dywedodd Tom “mae hi’n wych bod fy lleoliad wedi troi’n swydd llawn amser gyda RELM Construction, ac rwy’n mwynhau’r profiad o ddydd i ddydd, yn dysgu sgiliau newydd drwy’r amser ac yn edrych ymlaen at y dyfodol.”
Cynllun Kickstart
Rhoddodd y Cynllun Kickstart gyllid i greu swyddi newydd ar gyfer pobl y mae perygl iddynt fod yn ddiwaith yn hirdymor. Rhoddodd brofiad gwaith gwerthfawr ynghyd â hyfforddiant a allai arwain at waith llawn amser. Gofynnodd Cyngor Bwrdeistref Sirol Conwy i ni gydweithio i lenwi ei 27 o swyddi Kickstart a oedd yn amrywio o Gymorth Swyddfa Docynnau i Gynorthwyydd Tîm y Ganolfan Deulu a Gweithiwr Cwch dan hyfforddiant i Aseswr Ariannol/Budd-daliadau dan hyfforddiant.