Mae llawer o aelwydydd yng Nghymru’n dibynnu ar olew gwresogi neu nwy petrolewm hylifedig (LPG) i wresogi eu cartrefi, yn enwedig mewn ardaloedd gwledig. Mae prisiau tanwydd cynyddol oherwydd y gwrthdaro yn y Dwyrain Canol wedi rhoi pwysau ychwanegol ar gyllidebau’r aelwydydd hynny.
Mae Llywodraeth y DU wedi darparu £3.8 miliwn i Lywodraeth Cymru er mwyn cefnogi aelwydydd yng Nghymru sy’n dibynnu ar olew gwresogi neu LPG.
Help gyda chostau olew gwresogi a nwy petrolewm hylifedig (LPG) (2026)
Mae taliad untro o £200 ar gyfer olew gwresogi neu LPG bellach ar gael i aelwydydd incwm isel yn Sir Conwy sy’n dibynnu ar y mathau hynny o danwydd. Bwriad y cymorth hwn yw helpu trigolion i ymdopi â’r costau cynyddol.
Os ydych chi'n gymwys ar gyfer Cynllun Gostyngiadau Treth y Cyngor gan eich bod ar incwm isel, a'ch bod yn dibynnu ar olew gwresogi neu LPG i wresogi eich cartref, rydych yn gymwys i gael taliad untro o £200.
Beth sy'n rhaid i mi ei wneud?
Os ydych eisoes yn cael Gostyngiad Treth y Cyngor ac nad yw'ch cartref wedi'i gysylltu â'r grid nwy, byddwn yn cysylltu â chi ac yn eich gwahodd i wneud cais. Byddwn yn gofyn i chi gadarnhau pa fath o danwydd gwresogi rydych chi'n ei ddefnyddio trwy ddarparu anfoneb a gawsoch yn y 12 mis diwethaf a rhoi eich manylion banc i ni.
Os nad ydych chi'n cael Gostyngiad Treth y Cyngor ar hyn o bryd, mae manylion pwy sy'n gymwys a sut i wneud cais i'w gweld yma:
Hawlio Gostyngiad Treth y Cyngor - Cyngor Bwrdeistref Sirol Conwy
Faint sydd gen i i wneud cais?
Mae'n rhaid i chi fod yn cael Gostyngiad Treth y Cyngor, neu fod wedi gwneud cais llwyddiannus am Ostyngiad Treth y Cyngor, rhwng 1 Ebrill 2026 a 31 Gorffennaf 2026. Dylech wedyn wneud cais am y cymorth olew gwresogi ac LPG cyn gynted â phosib'. Y dyddiad olaf y gallwch wneud cais yw 30 Medi 2026.
Rwy'n barod i wneud cais
Cyn gwneud cais, gwnewch yn siŵr bod gennych gopi oh anfoneb neu dderbynneb am olew gwresogi a gawsoch yn y 12 mis diwethaf a chopi o ddatganiad banc sy'n dangos eich manylion banc yn glir.
Mae’r cynllun bellach ar agor ar gyfer ceisiadau. Sylwch na fydd taliadau yn cael eu talu tan ganol mis Gorffennaf 2026.
Sut alla' i gael mwy o gymorth?
Os cewch chi unrhyw drafferth wrth ymgeisio neu os byddwch angen mwy o wybodaeth, cysylltwch â:
Yr Uned Fudd-daliadau ar 01492 576491
Cyfeiriad e-bost: cymorthoddiarygrid@conwy.gov.uk
A oes cymorth arall ar gael?
Os ydych chi'n ei chael hi'n anodd talu'ch biliau neu wresogi eich cartref, cliciwch yma Costau Byw (conwy.gov.uk) i weld pa gymorth sydd ar gael.