Cynnig Gofal Plant Cymru

Ceisiadau nawr ar agor ar gyfer plant cymwys gyda dyddiad geni rhwng 01/09/2017 - 31/12/2018.

 Beth yw'r cynnig?

• Gall plant sy'n gymwys gael yr hawl i hyd at 20 awr o ofal plant sy'n cael ei gyllido gan y Llywodraeth yn ystod tymor yr ysgol, yn ychwanegol at y 10 awr o Addysg Feithrin sy'n cael ei ddarparu'n barod.
• Yn ystod hyd at 9 wythnos o wyliau'r ysgol, gall rhieni dderbyn hyd at 30 awr o ofal plant.
• Gall rhieni ddewis unrhyw leoliad gofal plant cofrestredig sydd yn addas i’w hamgylchiadau personol a theuluol, boed yn y sir neu’r tu allan, trwy gytuno gyda’r darparwr a’r awdurdod lleol. Nid oes rhaid i’r gofal plant gael ei roi gan yr un darparwr â’r ddarpariaeth Addysg Feithrin.

• Mae’r Cynnig ar gael o’r tymor ar ôl pen-blwydd eich plentyn yn dair oed tan y mis Medi ar ôl pen-blwydd eich plentyn yn bedair oed pan fydd yn cychwyn yn yr ysgol yn llawn amser.

Pwy sy’n gymwys?

I fod yn gymwys am ofal plant am ddim, rhaid i chi fodloni’r meini prawf cymhwysedd isod:

• Mae eich plentyn yn 3 neu 4 oed ac yn gallu cael mynediad i Addysg Feithrin ran-amser
• Yr ydych yn byw yng Ngwynedd, Môn neu Gonwy
• Bod pob rhiant, neu gyplau sy'n cyd-fyw ar yr aelwyd yn gweithio ac yn ennill cyflog sy’n cyfateb i 16 awr o leiaf ar yr isafswm cyflog cenedlaethol neu’r cyflog byw cenedlaethol (ni fydd rhieni'n gymwys os ydynt yn ennill mwy na £100,000 y flwyddyn - trothwy fesul rhiant yw hwn).
• Bod un rhiant yn gyflogedig a bod gan un rhiant gyfrifoldebau gofalu sylweddol yn seiliedig ar fudd-daliadau penodol a dderbynnir am ofalu;

• Bod y ddau riant yn gyflogedig, ond bod y naill riant a’r llall i ffwrdd o’r gweithle dros dro ar absenoldeb rhieni, mamolaeth, tadolaeth neu fabwysiadu;
• Bod y ddau riant yn gyflogedig, ond bod un neu’r ddau riant i ffwrdd o’r gweithle dros dro ar dâl salwch statudol;
• Bod un rhiant yn gyflogedig a bod un rhiant yn anabl neu’n analluog ar sail derbyn budd-daliadau penodol (gweler isod);
  
  

Lle bydd un rhiant yn bodloni'r meini prawf cymhwysedd a'r rhiant arall yn derbyn un o'r budd-daliadau canlynol, bydd y plentyn yn dal i allu manteisio ar y cynnig:

• Budd-dal analluogrwydd;
• Lwfans gofalwyr;
• Lwfans anabledd difrifol;
• Budd-dal analluogrwydd hirdymor;
• Lwfans cyflogaeth a chymorth (yn seiliedig ar incwm); neu gredydau yswiriant gwladol ar sail anallu i weithio neu allu cyfyngedig i weithio.

Mae'r tabl isod yn dangos incwm yn seiliedig ar isafswm cyflog yn gweithio 16 awr yr wythnos. Os yw'ch incwm yn is na'r cyfanswm ar gyfer eich oedran ni fyddwch yn gymwys.

Sylwch: Nid yw gwneud cais yn gwarantu lle gofal plant. Nid yw'r cyllid yn cychwyn tan ar ôl i'ch cais gael ei basio ac mae'n dechrau ar y dyddiad cychwyn a nodir ar eich llythyr cadarnhau.

Polisi Ailwirio

Ar ôl i geisiadau gael eu pasio, cysylltir â rhieni bob tymor er mwyn ailgyflwyno prawf incwm. Cysylltir â rhieni trwy e-bost a bydd methu â darparu'r dogfennau angenrheidiol yn arwain at gael eich tynnu o'r cynllun.

Sut i wneud cais?

Os ydych yn bodloni'r meini prawf uchod, cwblhewch y ffurflen gais:

Bydd angen i chi lawrlwytho'r ffurflen gais (uchod)

Mae'n rhaid ei hanfon drwy e-bost i cynniggofalplant@gwynedd.llyw.cymru

Bydd methu â chyflwyno'r holl ddogfennau gofynnol gyda'ch cais yn arwain at oedi wrth brosesu.

Nid yw’n bosib anfon ffurflen gais yn y post ar hyn o bryd.

Byddwch yn cael eich hysbysu am ganlyniad eich cais trwy e-bost ymhen 10 diwrnod gwaith o dderbyn y cais. 

Bydd eich hawl am ofal plant a ariennir yn dechrau ar ôl i chi dderbyn eich llythyr cadarnhad - ni fydd unrhyw geisiadau yn cael eu hôl-ddyddio.

Rhaid i chi ddangos eich llythyr cadarnhau i'ch darparwr gofal plant i ddangos eich cymhwysedd ar gyfer y Cynnig.

*Sylwer, gan ddibynnu ar eich amgylchiadau, fe all hawlio 30 awr effeithio ar rai o’r budd-daliadau rydych yn eu cael ar hyn o bryd. Er enghraifft:

• Yr elfen gofal plant o Gredyd Treth Gwaith
• Credyd Cynhwysol
• Gofal plant di-dreth a Thalebau Gofal Plant
• Budd-dal Tai
• Gostyngiad Treth y Cyngor
  
  

Mwy o wybodaeth

Gwybodaeth i Rieni a Gofalwyr 

• Gofal plant a chwarae: Cwestiynau cyffredin (LLYW.CYMRU)
• Cyllid Addysg Blynyddoedd Cynnar i Blant 3 Oed - Cyllid Addysg Blynyddoedd Cynnar i Blant 3 Oed (conwy.gov.uk)
• Crynodeb o Gynnig Gofal Plant Cymru (PDF, 492KB)
• Cwestiynau a ofynnir yn aml - Budd-daliadau
• Hysbysiad Preifatrwydd
  
  

Ydych chi angen help?

Os hoffech chi gael mwy o wybodaeth, angen gwirio eich meini prawf cymhwyster neu eisiau gwybodaeth am Ofal Plant, cysylltwch â: