Trefnu apwyntiad
Mae’n rhaid i chi drefnu apwyntiad i ymweld â’r ganolfan ailgylchu
Mae hyn er mwyn eich cadw chi a staff y ganolfan yn ddiogel ac osgoi ciwiau.
Mae pob cartref yn cael hyd at 6 ymweliad i’r safleoedd bob dau fis, i wneud yn siŵr bod pawb sydd eisiau defnyddio’r canolfannau yn gallu cael apwyntiad.
Mae’r Canolfannau at ddefnydd preswylwyr Sir Conwy a Sir Ddinbych yn unig – efallai byddwn yn gofyn i chi am brawf o’ch cyfeiriad pan rydych yn cyrraedd y safle.
Darllenwch y Cwestiynau Cyffredin cyn i chi drefnu apwyntiad os gwelwch yn dda, er mwyn i chi wybod beth ddylech ddod gyda chi a beth i’w ddisgwyl cyn mynd.
Os nad ydych yn parchu’r rheolau cadw pellter cymdeithasol neu’n ymddwyn yn dreisgar gyda staff ar y safle, bydd gofyn i chi adael, ac mae’n bosibl y bydd yn rhaid ffonio’r Heddlu.
Sut ydw i’n archebu slot yn y Ganolfan Ailgylchu Gwastraff y Cartref?
Y ffordd hawsaf i archebu apwyntiad yw drwy ddefnyddio’r ffurflen archebu ar ein gwefan - defnyddiwch y botymau ar waelod y dudalen hon i ddewis pa ganolfan yr ydych yn dymuno ymweld â hi. Os nad oes gennych chi fynediad i’r we, gallwch ffonio ein Tîm Cynghori ar 01492 575337.
Faint o apwyntiadau alla i archebu?
Mae pob cartref yn cael hyd at 6 ymweliad i’r safleoedd bob dau fis calendr, i wneud yn siŵr bod pawb sydd eisiau defnyddio’r canolfannau yn gallu cael apwyntiad.
A oes rhaid imi ddefnyddio’r un cerbyd ag y nodais wrth archebu’r apwyntiad?
Oes - byddwn yn gwirio’r rhif cofrestru yn erbyn yr archeb.
Beth sy’n digwydd os na fyddaf yn gallu mynychu fy apwyntiad?
Os ydych chi’n gwybod ymlaen llaw na fyddwch ar gael i fynychu’r apwyntiad, rhowch wybod i ni os gwelwch yn dda er mwyn i ni allu cynnig yr apwyntiad i rywun arall.
A alla i ddod ag eitemau ychwanegol nad oeddwn wedi’u cynnwys ar y rhestr pan oeddwn yn archebu?
Gallwch - rydym yn gofyn am ychydig o wybodaeth am y prif eitemau yr ydych yn dod gyda chi i’n helpu i reoli’r safle.
Beth fydd yn digwydd ar ôl imi gyrraedd y Ganolfan Ailgylchu?
- Ceisiwch gyrraedd yn brydlon, er mwyn osgoi ciwiau.
- Arhoswch yn eich car nes y bydd staff yn gofyn i chi yrru i’r ganolfan.
- Bydd gennych 10 munud ar y safle. Sicrhewch eich bod yn gorffen dadlwytho eich gwastraff o fewn yr amser hwn.
- Dim ond un person fydd yn cael mynd allan o’r car - dewch ag eitemau y gallwch eu cario yn unig, nid oes modd i staff helpu
- Gwisgwch ddillad addas fel menig ac esgidiau trwm os ydych chi’n ymdrin â phethau miniog neu drwm
- Rydym yn argymell yn gryf eich bod yn trefnu eich gwastraff cyn dod, er mwyn sicrhau eich bod yn gallu dadlwytho o fewn eich slot 10 munud.
- Sicrhewch eich bod yn cadw o leiaf 2 fetr (6 troedfedd) i ffwrdd o bobl eraill ar y safle.
Os byddwch chi’n ymddwyn yn ymosodol tuag at staff ar y safle, bydd gofyn i chi adael, ac mae’n bosibl y bydd yn rhaid ffonio’r Heddlu.
A oes angen i mi drefnu fy ngwastraff cartref a gwahanu’r ailgylchu?
Oes, gwnewch hyn cyn dod os gwelwch yn dda. Dylech wahanu gwydr, poteli a thybiau plastig, cartonau, tuniau, caniau a phapur a chardiau.
A oes angen imi dalu am ddod â’m sbwriel i’r Ganolfan Ailgylchu Gwastraff y Cartref?
Os ydych chi’n dod ag eitemau fel pren, rwbel, drysau plastig neu fframiau ffenestri, unedau cegin neu ystafell ymolchi, bydd yn rhaid i chi dalu ffi fechan. Gallwch weld rhestr lawn o’r eitemau a prisiau ar ein gwefan.
Er mwyn atal oedi a lleihau cyswllt wrth y peiriannau talu, rydym yn hepgor y ffioedd arferol ar gyfer gwastraff nad yw’n wastraff cartref. Ni fyddwn yn codi tâl am hyd at 20kg o rwbel neu 5kg o bren.
Sut ydw i’n talu am ddod ag eitemau fel pren, gwastraff DIY neu fframiau ffenestri i’r Ganolfan?
TMae peiriannau talu gyda cherdyn ar gael yn y Canolfannau Ailgylchu Gwastraff y Cartref. Caiff y peiriannau eu diheintio’n rheolaidd. Ni allwn dderbyn taliadau gyda siec nac arian parod.
Pam na allaf ddod â fan neu threlar echel ddwbl i’r Ganolfan Ailgylchu Gwastraff y Cartref? Dyma fy ngherbyd personol, nid yw’n gerbyd masnach?
Os oes gennych chi drwydded i’ch fan neu threlar echel ddwbl, caniateir i chi drefnu apwyntiad. Gallwch wneud cais am drwydded ar lein ar ein gwefan. Bydd rhaid i chi ddweud wrthym beth yw eich rhif trwydded pan fyddwch yn gwneud eich apwyntiad.