Sut i gynnal Chwiliad Pridiannau Tir Lleol Llawn
I gael gwybodaeth am chwiliadau pridiannau tir lleol llawn (LLC1 a CON 29) sy'n cynnwys cwestiynau priffyrdd, ewch i dudalen we Chwiliadau Pridiannau Tir
Sut ydw i'n canfod a yw ffordd wedi'i mabwysiadu (ei chynnal yn gyhoeddus)?
Gallwch ddod o hyd i’r wybodaeth hon ar Find My Street (Saesneg yn unig). Mae'r gofrestr yn rhestru pob ffordd mae gan y Cyngor ddyletswydd i'w chynnal, ffyrdd sydd ar fin cael eu mabwysiadu dan gytundebau Adran 28, llwybrau cyhoeddus a llwybrau ceffylau. Gallwn ddarparu gwybodaeth ysgrifenedig a yw ffordd yn cael ei chynnal yn gyhoeddus ai peidio, mewn ymateb i geisiadau ysgrifenedig ffurfiol. Mae tâl am hyn - gweler isod.
Sut ydw i'n cadarnhau hyd y briffordd?
Gallwn ddarparu cynllun sy'n dangos hyd y briffordd, mewn ymateb i geisiadau ysgrifenedig ffurfiol. Mae tâl am hyn - gweler isod.
Sut ydw i'n dod o hyd i wybodaeth am gynlluniau ffyrdd a thrafnidiaeth yn Sir Conwy?
Gallwch weld Gorchmynion Rheoleiddio Traffig arfaethedig a rhai a gyflwynwyd yn ddiweddar ar ein gwefan. Mae’r rhain yn cynnwys newidiadau fel terfynau cyflymder a pharcio.
Gallwn ddarparu gwybodaeth ysgrifenedig am gynigion ffyrdd yn Sir Conwy, mewn ymateb i geisiadau ysgrifenedig ffurfiol. Mae tâl am hyn - gweler isod.
Taliadau
Ar gyfer atebion ysgrifenedig y tu allan i’r weithdrefn Con 29.
Mae'r cynnyrch hyn nawr yn destun TAW ar gyfradd o 20%
Ffioedd Safonol
£108 + TAW - hyd at dri chwestiwn a chynllun priffyrdd
£28.80 + TAW - am bob cwestiwn ychwanegol
£28.80 + TAW – copi o ddogfen gyfreithiol fel Cytundeb Adran 38
£158.40 + TAW - barn ac ymholiad mabwysiadu priffyrdd mewn perthynas â darn o briffordd ddosbarthiadol neu briffordd ddi-ddosbarth yn y Sir - Uchafswm hyd y safle: 0.5 cilomedr.
£280.80 + TAW - ymweliad safle, barn ac ymholiad mabwysiadu priffyrdd mewn perthynas â darn o briffordd ddosbarthiadol neu briffordd ddi-ddosbarth yn y Sir - Uchafswm hyd y safle: 0.5 cilomedr.
Manylion cysylltu
- Ar gyfer ymholiadau anffurfiol, ffoniwch 01492 575337. Sylwch nad yw'n bosibl ateb ymholiadau o ran hyd priffyrdd dros y ffôn.
- Ebost: affch@conwy.gov.uk