Premiymau Treth y Cyngor
Rhoddir rhybudd trwy hyn fod Cyngor Bwrdeistref Sirol Conwy, yn ei gyfarfod ar 17 Hydref 2024, yn unol ag adran 12a a 12b Deddf Cyllid Llywodraeth Leol 1992, fel y’i cynhwysid gan adran 139 o Ddeddf Tai (Cymru) 2014, wedi penderfynu’r canlynol:
(i) Codi Premiwm Treth y Cyngor o 150% ar ail gartrefi o 1 Ebrill 2025
(ii) Codi Premiwm Treth y Cyngor o 200% ar gyfer cartrefi gweigion hirdymor sydd wedi bod yn wag am hyd at 5 mlynedd neu lai o 1 Ebrill 2025 ymlaen
(iii) Codi Premiwm Treth y Cyngor o 300% ar gyfer cartrefi gweigion hirdymor sydd wedi bod yn wag ers 5 mlynedd neu fwy o 1 Ebrill 2025 ymlaen
(iv) Pennu premiwm dangosol o 200% ar gyfer y ddau gategori o 1 Ebrill 2026 ymlaen, gyda phremiwm uwch o 300% ar gyfer eiddo gwag hirdymor a fu'n wag am bedair blynedd neu fwy, yn ddibynnol ar adolygiad yn ystod 2025.2026
Adran 12A: swm uwch ar gyfer anheddau gwag hirdymor
At ddiben yr adran hon, caiff annedd wag hirdymor ei diffinio fel annedd nad yw'n cael ei meddiannu ac sydd heb fawr o ddodrefn am gyfnod parhaus o flwyddyn o leiaf.
Adran 12B: swm uwch ar gyfer anheddau a feddiannir yn gyfnodol
At ddiben yr adran hon, caiff ail gartref ei ddiffinio fel annedd nad yw'n unig neu brif gartref person ac sydd wedi'i dodrefnu'n sylweddol. Mae Deddf 1992 yn cyfeirio at yr anheddau hyn fel anheddau a feddiannir yn gyfnodol ond cyfeirir atynt yn gyffredin fel ‘ail gartrefi’.
Eithriadau
Gall rhai eiddo hawlio eithriad o'r premiymau Treth y Cyngor:
Dosbarth 1 - eiddo sy’n cael eu marchnata fel rhai ar werth - gyda therfyn amser - un flwyddyn
Dosbarth 2 - eiddo sy’n cael eu marchnata fel rhai ar osod – gyda therfyn amser - un flwyddyn
Dosbarth 3 - anecsau sy’n ffurfio rhan o’r prif eiddo
Dosbarth 4 - eiddo a fyddai’n brif gartref rhywun heblaw ei fod yn aros yn llety’r Lluoedd Arfog
Dosbarth 5 - carafanau ac angorfeydd cychod wedi'u meddiannu
Dosbarth 6 – cartrefi tymhorol neu lety gwyliau nad oes modd eu meddiannu drwy gydol y flwyddyn neu'n barhaol
Dosbarth 7 - eiddo cysylltiedig â gwaith
Premiymau Treth y Cyngor - incwm a gwariant
Sut mae’r arian a gesglir o bremiwm Treth y Cyngor yng Nghonwy yn cael ei wario?
Ar gyfer blwyddyn ariannol 2023/24
Mae nifer yr eiddo sy’n talu premiwm wedi ei nodi isod:
Eiddo gwag hirdymor = 711 (679 in 2022/23)
Eiddo wedi eu dodrefnu nad ydynt yn unig neu brif breswylfa unigolyn (a elwir gan amlaf yn ail gartrefi) = 1,641 (1,528 in 2022/23)
Cyfanswm yr incwm a gynhyrchwyd ar gyfer y ddau ddosbarth o eiddo fel y diffiniwyd uchod = £2,140,624
Er bod potensial i godi’r Premiwm i gynhyrchu refeniw ychwanegol, fe’i bwriedir i fod yn offeryn ar gyfer:
- Rhoi defnydd newydd i Gartrefi Gwag Hirdymor
- Cynyddu cyflenwad tai fforddiadwy
- gwella cynaliadwyedd cymunedau lleol
- Helpu i ddiwallu anghenion lleol o ran tai
Mae incwm ychwanegol a geir wrth godi premiwm Treth y Cyngor, yn unol â disgwyliad Llywodraeth Cymru, yn cael ei gyfeirio at gyllideb dai y Cyngor ac felly’n cefnogi ein blaenoriaeth gorfforaethol ‘Mae gan bobl yng Nghonwy fynediad at lety fforddiadwy ac addas o safon uchel sy’n gwella safon eu bywyd’.
Am fwy o wybodaeth: