Rhoddir rhybudd trwy hyn fod Cyngor Bwrdeistref Sirol Conwy, yn ei gyfarfod ar 23 Ionawr 2020, yn unol ag adran 12a a 12b Deddf Cyllid Llywodraeth Leol 1992, fel y cynhwysid gan adran 139 o Ddeddf Tai (Cymru) 2014, wedi penderfynu’r canlynol:
Dirymu’r penderfyniad i godi Premiwm Treth y Cyngor o 50% ar gyfer Ail Gartrefi a Chartrefi Gwag Hirdymor o fis Ebrill 2020 ymlaen a’i ddisodli gyda:
(i) parhau i godi premiwm Treth y Cyngor o 25% ar Gartrefi Gwag Hirdymor ac Ail Gartrefi o 1 Ebrill 2020; ac
(ii) argymell premiwm Treth y Cyngor o 50% ar Gartrefi Gwag Hirdymor ac Ail Gartrefi o 1 Ebrill 2021 (yn ddibynnol ar adolygiad yn ystod 2021/2022).
Cyfeiriwch at y tabl isod am ganllawiau ar yr eithriadau :
| Dosbarthiadau Eiddo | Diffiniad | Cais |
|---|
| Dosbarth 1 |
Eiddo sy’n cael eu marchnata fel rhai ar werth - gyda therfyn amser - un flwyddyn |
Cartrefi Gwag Hirdymor ac Ail Gartrefi |
| Dosbarth 2 |
Eiddo sy’n cael eu marchnata fel rhai ar osod – gyda therfyn amser - un flwyddyn |
| Dosbarth 3 |
Anecsau sy’n ffurfio rhan neu sy’n cael eu trin fel rhan o’r brif annedd |
| Dosbarth 4 |
Eiddo a fyddai’n unig neu yn brif gartref rhywun heblaw ei fod yn aros yn llety’r Lluoedd Arfog |
| Dosbarth 5 |
Carafannau ac angorfeydd cychod |
Ail Gartrefi |
| Dosbarth 6 |
Cartrefi tymhorol lle gwaherddir byw ar hyd y flwyddyn |
| Dosbarth 7 |
Eiddo cysylltiedig â gwaith |
Am fwy o wybodaeth, e-bostiwch trethycyngor@conwy.gov.uk