Trwydded Tŷ Amlfeddiannaeth

Beth yw Tŷ Amlfeddiannaeth?

Adeilad neu eiddo a gaiff ei rentu allan i fwy na 2 o bobl nad ydynt o’r un ‘aelwyd’ (e.e. teulu) yw Tŷ Amlfeddiannaeth. Mae gwahanol fathau o Dai Amlfeddiannaeth:

Yn ôl Deddf Tai 2004, Tŷ Amlfeddiannaeth yw:

• tŷ neu fflat cyfan sydd wedi’i feddiannu gan dri thenant neu fwy sydd yn ffurfio dwy aelwyd neu fwy ac sy’n rhannu cegin, ystafell ymolchi neu doiled
• adeilad sydd wedi’i drawsnewid yn llwyr i fflatiau hunangynhwysol lle mae llai na dwy ran o dair a berchennog-feddianwr yn byw yno a lle nad oedd y trawsnewid yn cydymffurfio gyda Rheoliadau Adeiladu 1991
• tŷ sydd wedi’i newid i nifer o fflatiau un ystafell neu lety arall nad yw’n hunangynhwysol ac sydd wedi’i feddiannu gan dri thenant neu fwy sy’n ffurfio dwy aelwyd neu fwy ac yn rhannu cegin, ystafell ymolchi neu doiled
• tŷ wedi’i drawsnewid sydd yn cynnwys un fflat neu fwy nad ydynt yn llwyr hunangynhwysol ac sydd wedi’u meddiannu gan dri thenant neu fwy sy’n ffurfio dwy aelwyd neu fwy
• Deddfwriaeth Tai Amlfeddiannaeth (dolen allanol).
  
  

Mae gofyn i rai o Dai Amlfeddiannaeth arbennig o fewn Cyngor Bwrdeistref Sirol Conwy gael trwydded.  Heb Drwydded Tai Amlfeddiannaeth, mae’n anghyfreithlon, er enghraifft, i rentu eich eiddo allan i denantiaid neu gyflwyno rhybuddion dadfeddiannu.

Mae’n rhaid i Dai Amlfeddiannaeth sydd yn dod o dan y Cynllun Trwyddedu Gorfodol gael trwydded: 

• os oes ganddo dri llawr neu fwy; AC
• os oes pum tenant neu fwy yn byw ynddo, AC 
• os ydynt yn llunio mwy nag un aelwyd; AC
• os ydynt yn rhannu cyfleuster (ystafell ymolchi neu doiled neu gegin).
  
  

Sut i wneud cais am drwydded Tai Amlfeddiannaeth

Mae ein proses ar-lein newydd yn gwneud ymgeisio ac adnewyddu trwyddedau yn gyflymach ac yn haws.  Fel rhan o waith parhaus i foderneiddio ein gwasanaeth trwyddedu.

Mae’r Drwydded Tai Amlfeddiannaeth fel arfer yn ddilys am hyd at bum mlynedd.

Cyfrifoldeb y canlynol yw gwneud cais am drwydded Tai Amlfeddiannaeth:

• Rhydd-ddeiliad   
• Prif Brydleswr 
• Landlord
• Cwmni Hawl i Reoli 
• Rheolwr yr adeilad
  
  

Cyn i chi wneud cais, darllenwch ein cwestiynau cyffredin er mwyn pennu p’un a yw eich eiddo’n dŷ amlfeddiannaeth neu ddim - FAQ's Licensing Billingual.

Os oes gennych chi unrhyw ymholiadau pellach, neu os nad ydych chi’n siŵr p’un a oes angen i chi wneud cais am drwydded Tai Amlfeddiannaeth, anfonwch e-bost at trwyddeduTA@conwy.gov.uk.

Er mwyn i’r cais fod yn ddilys, mae’n rhaid i chi sicrhau bod yr holl ddogfennau canlynol wedi’u cynnwys, gan gynnwys y ffi drwyddedu ofynnol.

Bydd arnoch angen:

• Ffurflen gais wedi’i llenwi
• Tystysgrif Diogelwch Nwy ar gyfer bob Fflat (a ddyrannwyd yn y 12 mis diwethaf)
• Archwiliad o Larymau Tân a Thystysgrif Cynnal a Chadw (a ddyrannwyd o fewn y 12 mis diwethaf)
• Archwiliad o Oleuadau Argyfwng a Thystysgrif Cynnal a Chadw (a ddyrannwyd o fewn y 12 mis diwethaf)
• Adroddiad Cyflwr Gosodiadau Trydanol ar gyfer cyflenwad y landlord (dyddiedig o fewn y 5 mlynedd diwethaf)
• Adroddiad Cyflwr y Gosodiadau Trydanol Ar Wahân ar gyfer pob Fflat (a ddyrannwyd o fewn y 5 mlynedd diwethaf)
• Tystysgrif Perfformiad Ynni ar gyfer pob Fflat (a ddyrannwyd o fewn y 10 mlynedd diwethaf)
• Tystysgrif gan y Gwasanaeth Datgelu a Gwahardd dyddiedig o fewn y 12 mis diwethaf
• Ffi drwyddedu ofynnol
  
  

Faint mae'n ei gostio?

Mae trwydded Tai Amlfeddiannaeth fel arfer yn ddilys am 5 mlynedd o'r dyddiad cyhoeddi. Mae cost trwydded yn dibynnu ar y math o Dai Amlfeddiannaeth sy'n cael eu trwyddedu (Cynllun Trwyddedu Gorfodol neu Ychwanegol), a nifer y bobl, neu'r unedau yn yr eiddo.   

Nid yw trwyddedau'n drosglwyddadwy. Mae'n ofynnol i unrhyw berchennog newydd wneud cais newydd. Cyfrifoldeb Rhydd-ddeiliad y Tai Amlfeddiannaeth yw gwneud cais i drwyddedu'r adeilad.

Os oes gennych chi drwydded Tai Amlfeddiannaeth eisoes sydd ar fin dod i ben, eich cyfrifoldeb chi yw cysylltu â'r awdurdod i adnewyddu'r drwydded (2 fis cyn i'r drwydded gyfredol ddod i ben).

Mae'r ffi drwyddedu naill ai'n daliad untro (sy'n daladwy wrth gyflwyno'r cais) neu fel arall gallwch chi dalu mewn dau randaliad. Mae'r rhandaliad cyntaf yn daladwy wrth gyflwyno'r cais. Byddwch chi wedyn yn cael anfoneb ar wahân am y swm sy'n weddill, (ar ôl cyhoeddi'r Drwydded). Mae talu mewn rhandaliadau yn golygu tâl gweinyddol ychwanegol am y gwasanaeth hwn.

Dulliau Taliad

Gellir gwneud taliadau naill ai trwy BACS neu Gerdyn Credyd/Debyd.  Bydd manylion llawn wedi'u cynnwys yn eich llythyr cais/adnewyddu.

Noder y gallai rheoli Tai Amlfeddiannaeth heb drwydded arwain at euogfarn a chosb uchaf o £20,000.  Gall tenantiaid yr eiddo hefyd wneud cais am orchymyn ad-dalu rhent i adennill rhent a dalwyd yn ystod y cyfnod y dylai'r eiddo fod wedi'i drwyddedu ond nad oedd wedi’i drwyddedu.

Noder y gallai rheoli Tai Amlfeddiannaeth heb drwydded arwain at euogfarn a chosb uchaf o £20,000.  Gall tenantiaid yr eiddo hefyd wneud cais am orchymyn ad-dalu rhent i adennill rhent a dalwyd yn ystod y cyfnod y dylai'r eiddo fod wedi'i drwyddedu ond nad oedd wedi’i drwyddedu.

Safonau Tai Amlfeddiannaeth

Rydym yn gyfrifol am orfodi safonau Tai Amlfeddiannaeth. Os ydych chi'n byw mewn Tŷ Amlfeddiannaeth ac yn sylwi ar unrhyw beryglon nad yw eich landlord preifat yn ymdrin â nhw, rhowch wybod amdanynt yma.

Isafswm Safonau Trwyddedu ar gyfer Tai Amlfeddiannaeth

Yn unol ag Adran 65, Rhan 2 o Ddeddf Tai 2004, dyma Safonau’r Awdurdod ar gyfer penderfynu ar addasrwydd Tŷ Amlfeddiannaeth fel man preswyl.  Mae angen i ddeiliad y drwydded/rheolwr gydymffurfio â’r Safonau hyn ynghyd â Chanllawiau Gweithredu System Mesur Iechyd a Diogelwch ar gyfer Tai, Rheoliadau Rheoli Tai Amlfeddiannaeth (Cymru) 2006, Rheoliadau Trwyddedu a Rheoli Tai Amlfeddiannaeth (Darpariaethau Ychwanegol) (Cymru) 2007 a Deddf Tai (Cymru) 2014 (Rhentu Doeth Cymru). 

Canllawiau Cyffredinol

Anfonwch neges e-bost at trwyddeduTA@conwy.gov.uk, gyda’ch enw, eich rhif ffôn a chyfeiriad y Tŷ Amlfeddiannaeth, a bydd swyddog yn cysylltu â chi.